Elena O'Callaghan Duch

Elena O'Callaghan Duch (Bartzelona, Katalunia, 1955eko abenduaren 25a) bartzelonar irakaslea, pedagogoa, filologoa, itzultzailea, editorea eta idazlea da. Haur eta gazte literaturan espezializatua, eta jende guztiarentzako literatura ere idatzi du.[1][2][3]

Elena O'Callaghan Duch
Bizitza
JaiotzaBartzelona, 1955eko abenduaren 25a (68 urte)
Herrialdea Katalunia
Hezkuntza
HeziketaBartzelonako Unibertsitatea
Hizkuntzakkatalana
gaztelania
frantsesa
ingelesa
Jarduerak
Jarduerakirakaslea, pedagogoa, idazlea eta itzultzailea
Jasotako sariak

2005. urtean TDAH Cataluña (Arreta-defizitaren eta hiperaktibitatearen nahasmendua, ADHN, hiperaktibitatearekin edo gabe) elkartea sortu zuen, nahaste horrek eragindako haur eta familiei laguntzeko.[4]

Biografia

Magisteritzako diplomaduna da, Kataluniar Filologian eta Filosofia eta Hezkuntza Zientzietan lizentziaduna, Bartzelonako Unibertsitatean.[5]

Lan ibilbidea

Irakasle, pedagogo

Hizkuntza eta Literatura Katalaneko irakasle gisa lan egin du bigarren hezkuntzan. Pedagogo gisa, TDAHn (Arreta Defizitaren Nahasmendua, hiperaktibitatearekin edo gabe) espezializatutako prestakuntza du. 2005. urtean TDAH Cataluña elkartea sortu zuen, nahaste horrek eragindako haur eta familiei laguntzeko. Halaber, Kataluniako TDAHko Elkarteen Federazioko burua da eta Espainiako Arreta Defizitari Laguntzeko Federazioko zuzendaritza batzordeko kidea.[5]

Idazle

Idazle gisa, berrogeita hamar izenburu baino gehiago argitaratu ditu ipuin, eleberri, poesia eta helduentzako antzerkiaren artean, eta bereziki haur eta gazteentzat. Gainera, ingeles, frantses eta gaztelania lanak katalanerara itzuli du, eta 1991z geroztik, argitaletxe desberdinetarako gazte-literaturako bildumak zuzentzen ere aritu da. Zenbait komunikabiderekin lankidetzan aritu da artikulu pedagogikoekin edo literaturaren kritikarekin; besteak beste, Caballo Fort, Tretzevents, Pont, Tiza eta CLIJ.[1][6]

Sariak eta aintzatespenak

Hainbat sari jaso ditu:[1][5][6]

  • 1987an, Castelldefelseko Udalaren poesia-saria irabazi zuen, eta haurrentzako literaturaren saria, El Barco de Tierra por el pequeño roble lanarekin.
  • 1993an, Sabadellgo Letren eta Arteen Lagunen Elkartearen Letrak saria, bere ibilbidearengatik.
  • 1997an eta 1998an, hiru liburu aukeratu zituzten Municeko Gazteriaren Nazioarteko Liburutegiko White Raven zerrendarako.
  • 1998an IBBYren (Gazte Liburuaren Nazioarteko Erakundea) Ohorezko Zerrendan sartu zen.
  • 2008an Alandar Gazte Narratibaren VIII. Saria irabazi zuen. Luis Vives Argitaletxe Taldeak 12.100 euroko saria eman zion.
  • 2009. urtean Urteko Liburu Onenaren CCEI saria jaso zuen A lo lejos, Menkaura lanarengatik.

Erreferentziak
  1. Elena O'Callaghan i Duch. Editorial SM.
  2. «Tinta Fresca. Elena O'Callaghan» CLIJ. Cuadernos de Literatura Infantil y Juvenil: 37. 1988 ISSN 0214-4123..
  3. «O'Callaghan i Duch, Elena | Club del lector» www.clubdellector.com (Noiz kontsultatua: 2023-12-06).
  4. «Elena O'Callaghan i Duch» www.goodreads.com (Noiz kontsultatua: 2023-12-06).
  5. «Elena O'Callaghan i Duch» Literatura Infantil y Juvenil SM (Noiz kontsultatua: 2023-12-06).
  6. Alfredo Gómez Cerdá y Elena O'Callaghan, ganadores de los premios Edelvives. revistababar.com 2008-04-17.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.