Elena Ferrante

Elena Ferrante
Bizitza
Jaiotza	Napoli, 1943ko apirilaren 5a (80 urte)
Herrialdea	Italia
Hezkuntza
Hizkuntzak	italiera; Napoliera
Jarduerak
Jarduerak	eleberrigilea, gidoilaria eta itzultzailea
Lan nabarmenak	ikusi L'amore molesto (en) ; The Days of Abandonment (en) ; The Lost Daughter (en) ; Frantumaglia: a Writer's Journey (en) ; The Lying Life of Adults (en) ; My Brilliant Friend (en) ; The Story of a New Name (en) ; Those Who Leave and Those Who Stay (en) ; The Story of the Lost Child (en) ; Incidental Inventions (en) ; In the Margins: On the Pleasures of Reading and Writing (en) ;
Izengoitia(k)	Elena Ferrante
Genero artistikoa	saiakera
Sinesmenak eta ideologia
Erlijioa	ateismoa
	elenaferrante.com

Elena Ferrante (Napoli, 1943) italiar idazle bat da. Estatu Batuetako Time astekariak munduko 100 pertsonarik eragintsuenen artean sartu zuen 2016. urtean.[1]

Biografia

Oso iritzi zabaldua da Elena Ferrante, berez, goitizen bat dela; izan ere, oso informazio gutxi dago idazle honi buruz. Zenbaiten teoria da Domenico Starnone idazle eta gidoilaria izan daitekeela, edo Goffredo Fofi kazetari eta literatura-kritikaria; beste susmo bat da Anita Raja itzultzaile eta Domenico Starnoneren emaztea dela goitizenaren atzean ezkutatzen den idazlea.[2] Hipotesi hau asko indartu zen 2016an, Sole24ore egunkariak argitaratutako artikulu baten ondorioz, zeinean Ferranteren liburuak plazaratzen dituen argitaletxearen diru-mugimenduak erabili baitziren tesi hori oinarritzeko.[3]Artikulu hau oso kritikatua izan zen literatura-munduan pribatutasunaren kontrako erasoa izateagatik. Urte berean, 2016ko abenduan Espainiako El Mundo egunkarian Tommaso Debenedetti kazetariak idazlearekin ustez egindako elkarrizketa bat argitaratu zuen, zeinetan Ferrantek onartu egiten baitzuen Raja zela; baina Ferranteren argitaratzaileek berehala gezurtatu zuten albiste hori.[4] Dena dela, beste hainbat lekutan Anita Rajaren izena atera ondoren, askok uste dute egiazki bera dela Elena Ferrante goitizena erabiltzen duen pertsona.

Eleberriak

Idazle honek argitaratu zuen lehen eleberria L'amore molesto (1992) izan zen, hainbat literatura-saria irabazi zuena eta Mario Martonek zuzendutako film batera eraman eta Canneseko zinemaldiaren 48. edizioan lehiatu zena. Hurrengo liburua, I giorni dell'abbandono (2002) Viareggio Sariko finalista izan zen, eta Veneziako zinemaldira aurkeztu zen beste film bat bihurtu zen Roberto Faenza zine-zuzendariaren eskutik. La frantumaglia izenburua duen liburuan (2003), Ferrantek bere idazle esperientzia jasotzen du.

2006an, La figlia oscura izeneko eleberria argitaratu zuen; baina haren literatura-lanik ezagunenak 2011tik aurrera argitaratu ditu, L'amica geniale tetralogiako lehen liburukiarekin; euskaraz, Adiskide paregabea izenburuarekin argitaratu du Igela argitaletxeak 2015ean, Fernando Reyren itzulpenarekin[5]. Bigarren liburukia Storia del nuovo cognome (2012) da (euskaraz, Abizen berriaren historia, Igela argitaletxea, Fernando Rey itzultzailea)[6]; hirugarrena, berriz, Storia di chi fugge, 2013an argitaratua (euskaraz, Ihesi doana eta gelditzen dena, Igela argit., Miren Iriarteren itzulpena)[7]. Sorta honetako azken liburukia 2014an argitaratu zuen Storia della bambina perduta izenburuaz; euskaraz, Ume galduaren historia (Igela, 2016), F. Reyren itzulpena[8].

Erreferentziak

http://time.com/collection/2016-time-100/
El Mundo egunkaria. Anita Raja, la mujer que seguramente sea Elena Ferrante. (Noiz kontsultatua: 2016ko urriak 4).
Claudio Gatti. (2016ko urriak 2). «Ecco la vera identità di Elena Ferrante» Il Sole-24 Ore.
La notizia giornale.
http://www.igela.eus/?product=adiskide-paregabea
http://www.igela.eus/?product=abizen-berriaren-historia
http://www.igela.eus/?product=ihesi-doana-eta-gelditzen-dena
http://www.igela.eus/?product=ume-galduaren-historioa%5B%5D

Kanpo loturak

Wikimedia Commonsen badira fitxategi gehiago, gai hau dutenak: Elena Ferrante

Kritikak Armiarman

Datuak: Q368127

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] ttp://time.com/collection/2016-time-100/

[2] El Mundo egunkaria. Anita Raja, la mujer que seguramente sea Elena Ferrante. (Noiz kontsultatua: 2016ko urriak 4).

[3] Claudio Gatti. (2016ko urriak 2). «Ecco la vera identità di Elena Ferrante» Il Sole-24 Ore.

[4] La notizia giornale.

[5] ttp://www.igela.eus/?product=adiskide-paregabea

[6] ttp://www.igela.eus/?product=abizen-berriaren-historia

[7] ttp://www.igela.eus/?product=ihesi-doana-eta-gelditzen-dena

[8] ttp://www.igela.eus/?product=ume-galduaren-historioa%5B%5D