Polizia-eleberri

Polizia-eleberria eleberriaren barneko literatura-generoa da. Eleberriko istorioa burutu bitartean, protagonistak (detektibeak), gaizkilea aurkitu eta hilketa nola burutu duen argitzen du. Protagonista polizia edo detektibea izaten da, eta ikerketaren bidez lortzen du hiltzailea aurkitzea, froga desberdinen laguntzari eta delituaren ustezko lekukoen testigantzari esker.

Sherlock Holmesen pipa, txanoa eta lupa

Pertsonaiak

Polizia eleberriaren pertsonai ezagunenetakoak Sherlock Holmes eta Hercule Poirot dira:

Sherlock Holmes
Sakontzeko, irakurri: «Sherlock Holmes»

Sherlock Holmes altua eta argala da. Aurpegi estua, bekoki zabala, ile beltza eta, bekain ilunak eta lodiak ditu. Sudurra mehea eta makoa du, arrano baten modukoa; ezpainak meheak eta trinkoak ditu, bere ahotsa altua eta zaratatsua da, eta, begi grisak eta zorrotzak, harago ikustearen ikuspegia hartzen dutenak.

Izaera biko pertsona da: ez du ezer nekatzen lan egin behar duenean, baina behin eta berriro krisiak ematen dizkio, eta egongelako sofan etzanda egunak pasa zitzakeen ezer esan gabe edota mugitu barik.

Hercule Poirot
Sakontzeko, irakurri: «Hercule Poirot»

Hercule Poirot Agatha Christieren eleberrietako fikziozko detektibe belgikarra da. Miss Marple pertsonaiarekin batera, Christiren eleberrietako pertsonairik famatuenetakoa da. Guztira, egilearen 33 eleberri eta 51 istorio laburretan agertu zen.

Liburuez gain, Poirot, telebistan egokitutako hainbat filmetan agertu da, Albert Finney, Peter Ustinov, Ian Holm, Tony Randall, Alfred Molina, eta David Suchet aktoreek antzeztuta.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.