El Carxe

El Carxe edo El Carche Murtziako Erkidegoan kokaturiko mendilerro bat (1.371 m) da, baita inguruko eskualdeari ematen zaion izena ere, hots, Yecla (Iecla), Jumilla (Jumella) eta Abanilla (Favanella) udalerriek osatzen dutena. XVIII. mendetik, katalanez (Vinalopó aldetik bertaratutakoen valentzieraz, hain zuzen) mintzatzen da bertan. 300 km2-ko hedadura du eta 529 biztanle (2003an).

El Carxe, Murtziako Erkidegoan.
El Carxe eskualdeko mapa, Manuel Sanchis i Guarner-ren ikerketen arabera (gorriz, valentzierazko lurraldea).

Eskualdea ondoko herrixkek osatzen dute:

  • Raspai, 134 biztanle (Iecla)
  • Torre del Rico, 58 biztanle (Jumella)
  • El Carxe, 27 biztanle (Jumella)
  • Canyada del Trigo, 167 biztanle (Jumella)
  • Canyada de la Llenya, 143 biztanle (Favanella)

Nahiz eta valentzierak Murtziako Erkidegoan ez duen onarpen instituzionalik, Ieclako udalaren eskaeraz valentzierazko eskolak ematen zituen Acadèmia Valenciana de la Llenguak 2008ra arte.

El Carxek Murtziako herriekin baino harreman estuagoak ditu Vinalopó Mitjàko herriekin, bereziki El Pinósekin; El Carxeko herritarrek herri hartara jotzen dute behar dituzten zerbitzu asko lortzeko.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.