Eliza Ortodoxoa

Eliza Ortodoxoa kristau eliza da, Jesus Nazaretekoa eta 12 apostoluen garaietatik dirauena. Jarraitzaileak kontuan hartuta, hirugarren kristau komunitaterik handiena da, Eliza Katoliko Erromatarra eta Eliza Protestanteen ondoren, 300 milioi jarraitzaile baititu.

Hedapena.

Eliza Ortodoxoa
Datuak
Mota	Kristau-sinesbidea eta historic church (en)
Jarduera
Kide kopurua	220.000.000 (ezezaguna)
Honen parte	kristautasun ortodoxo
Osatuta	Albanian Orthodox Church (en) Bulgarian Orthodox Church (en) Church of Cyprus (en) Errumaniako Eliza Ortodoxoa Errusiar Eliza Ortodoxoa Georgiako Eliza Ortodoxo eta Apostolikoa Greek Orthodox Patriarchate of Alexandria (en) Greek Orthodox Patriarchate of Antioch (en) Greziako Eliza Ortodoxoa Jerusalemgo Eliza Ortodoxoa Konstantinoplako Patriarkatza Ekumenikoa Macedonian Orthodox Church (en) Orthodox Church in America (en) Orthodox Church in Japan (Moscow Patriarchate) (en) Orthodox Church of the Czech Lands and Slovakia (en) Polish Orthodox Church (en) Serbiako Eliza Ortodoxoa Ukrainako Eliza Ortodoxoa autocephalous Eastern Orthodox church (en)
Historia
Sorrera	1054

Eliza ortodoxoak bere burua Mediterraneo itsasoaren ekialdeko kristau komunitateen oinordekotzat du. Haren doktrina teologikoa IV. eta VIII. mendeen artean eginiko zazpi kontzilio ekumenikotan finkatu zen. Eztabaida batzuk izan ondoren, Ekialdeko Eliza Ortodoxoa eta Eliza Katoliko Erromatarra banatu ziren Ekialdeko Zismaren ondorioz, 1054ko uztailaren 16an. Kristautasun ortodoxoa Ekialdeko Europan zehar hedatu zen, Bizantziar Inperioaren ospea eta misiolarien lanari esker.

Egun, nagusia da Armenian, Bielorrusian, Bulgarian, Errumanian, Errusian, Georgian, Grezian, Mazedoniako Errepublikan, Moldavian, Montenegron, Serbian, Ukrainan eta Zipren. Gainera, jarraitzaile asko ditu Bosnia-Herzegovinan (biztanleriaren herena), Polonian (600.000), Kazakhstanen (% 30), Uzbekistanen (milioi bat), Estonian (% 25), Letonian (% 35), Albanian (% 5), Azerbaijanen (% 5) eta Libanon. Emigrazioa dela eta, komunitate handiak daude Alemanian, Argentinan, Australian, Erresuma Batuan, Espainian, Estatu Batuetan, Frantzian eta Kanadan.

Eliza ortodoxoa hamabost eliza autozefaloetan antolatuta dago eta bakoitzak bere patriarkatua du. Zaharrenak Antiokian, Konstantinopolisen, Alexandrian eta Jerusalemen badaude ere, nagusia Moskukoa da.