Ekialde Hurbileko zeramika

Zeramika (grezieratik κεραμικός keramikos, erretako substantzia) buztinez edo portzelanaz ontziak eta bestelako gauzakiak egiteko antzea da,[1] material ez organiko eta ez-metaiko hauek moldatuz eta tenperatura altuetan su emanez.[2] Ekialde Hurbileko zeramika defiitzean, Ekialde Hurbileko gune geografikoan garaturiko zeramikari buruz ari gara; baina kontuan izan behar da Ekialde Hurbila Egiptotik Iraneraino eta Turkiatik Yemeneraino dauden lurrak barneratzen dituen eskualdea dela, gune geopolitiko eta kultural antzeko bezala definitua ikuspegi eurozentriko batetik, Mendebaldeko Europatik ekialdera hurbilen dagoen lurraldea bezala ikusi delako.[3] Sakonago aztertzen badugu, Ekialde Hurbileko zeramika nazio eta kultura ezberdinetan banatu daiteke; hala nola, Pertsiako zeramika, Sortaldeko zeramika, Egiptoko zeramika, etb.