Egoskozabal baserria

Egoskozabal baserria
	Eraikitako euskal ondasun nabarmena
Kokapena
Herrialdea	Euskal Herria
Probintzia	Gipuzkoa
Udalerria	Belauntza
Koordenatuak	43°08′12″N 2°02′56″W
Historia eta erabilera
Eraikuntza	XVI. mendea -
Ondarea
EJren ondarea	5

Egoskozabal Belauntzan dagoen baserria da, herrigunetik hurbil, hilerrirako bidean kokatua.

1994ko abenduaren 16an, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak

Oinplano laukizuzena du eraikin soil honek eta teilatuak hiru aldetara jotzen du. Beheko solairua, lehenengoa eta ganbara ditu. Hormak, harlangaitzezkoaz eginak dira, nahiz harlandu aztarna batzuk ere ikus daitezkeen bertan. Horrez gainera, izkinetan eta ateleiho inguruetan kareharri grisa du. Barruko aldea zurez osatua dago eta zutabeak lurraren gainean edo harrizko piramideetan oinarriturik daude.

Fatxada nagusiak lau leiho ditu solairu bakoitzean eta sarrera nagusia. Ate gainean, mentsula biribilduak eta, bertan, inskripzio bat: «154...» urtean, segur aski, eraikuntza urteari dagokiona. Leihoetan, ur-jarioak bideratzeko, harri moduratuz dotoretutako erlaitzak ikus daitezke.

Eskuineko aldean, sarrera nagusiaren antzekoa den beste ate bat dago, ateburua mentsulaz. Atzealdeko fatxada itxia da eta hutsune luze batzuk ditu gezi-leihoen moduan. Beheko solairuan leihotxo bat dago, goialdea erdi puntuko arkuaren forma duena.

Erreferentziak

Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).

Kanpo estekak

Kultura Ondasun izendapena EHAAn

Datuak: Q8341942
Multimedia: Egoskozabal baserria / Q8341942

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.