Ed Wynn

Isaiah Edwin Leopold (Philadelphia, Pennsylvania, 1886ko azaroaren 9a – Beverly Hills, Kalifornia, 1966ko ekainaren 19a), Ed Wynn izen artistikoarekin ezaguna, estatubatuar aktore eta umorista ezaguna izan zen, ia 65 urteko ibilbide ikaragarria egin zuena, non vaudevilletan eta antzerkietan, telebistako saioetan, irratian eta zineman parte hartu zuen. Bi izar ditu Hollywoodeko Ospearen Pasealekuan, zineman eta telebistan egindako jardueragatik, hurrenez hurren. [1] Ed Wynn-ek Wally Gator marrazki bizidunen ingelesezko ahotsaren grabazioa inspiratu zuen.

Ed Wynn

Bizitza
Jaiotzako izen-deiturakIsaiah Edwin Leopold
JaiotzaFiladelfia, 1886ko azaroaren 9a
Herrialdea Ameriketako Estatu Batuak
HeriotzaBeverly Hills, 1966ko ekainaren 19a (79 urte)
Hobiratze lekuaForest Lawn Memorial Park (en) Itzuli
Heriotza moduaberezko heriotza: hestegorriko minbizia
Familia
Ezkontidea(k)Hilda Keenan (en) Itzuli  (1914 -  1937ko maiatzaren 13a)
Frieda Mierse (en) Itzuli  (1937ko ekainaren 15a -  1939ko abenduaren 12a)
Dorothy Elizabeth Nesbitt (en) Itzuli  (1946 -  1955)
Bikotekidea(k)
Seme-alabak
Hezkuntza
Hizkuntzakingelesa
Jarduerak
Jarduerakkaraktere aktorea, antzerki aktorea, zinema aktorea, telebista-aktorea, irrati-esataria, musikagilea, cabaret performer (en) Itzuli, antzerki ekoizlea, antzerki zuzendaria eta showmana
Jasotako sariak
DiskoetxeaRCA Victor
IMDB: nm0943956 Allocine: 1390 Allmovie: p77743 TCM: 210077 TV.com: people/ed-wynn IBDB: 5196
Musicbrainz: cb57a5a9-8721-40dd-b5e8-485d172e49fe Discogs: 310191 Find a Grave: 1133 Edit the value on Wikidata

Biografia

Isaiah Edwin Leopold Filadelfian (Pennsylvania) jaio zen 1886ko azaroaren 9an, Bohemiako bikote judu baten semea, XIX. mendearen amaieran emigratu zuena. Nerabe zela etxetik ihes egin zuen. Gaztetan W.C. Fields-en laguntzaile gisa lan egin zuen. Gero, 1910eko hamarkadan, hainbat vaudevilletan agertu zen eta, 1914tik aurrera, Ziegfeld Follies-etan, Parisko Folies Bergère-n oinarritutako Broadway-ko antzerki-produkzio sorta batean. Ed Wynnen lehen arrakasta Broadwayn iritsi zen urte batzuk geroago, The Perfect Fool (1921) filmarekin.

Gero, Texaco's Fire Chief izeneko irratsaioa zuzendu zuen, 1932tik 1939ra, 1950ean pantaila txikian debuta egin aurretik. Urte horretan bertan Emmy Saria irabazi zuen Pertsona ospetsurik nabarmenenari. [1]

Zineman ere parte hartu zuen eta Oscar sarietarako izendatu zuten The Diary of Anne Frank ( 1959) lanagatik. [1] Disneyren Alice in Wonderland (1951) bertsioan, Mad Hatter pertsonaiari ahotsa eman zion. Mary Poppins (1964) eta The Greatest Story Ever Told (1965) filmetan ere jardun zuen. Rod Serlingen The Twilight Zone sailean ere parte hartu zuen, heriotzaren aurrean saltzaile ibiltari bat antzezten.

Ed Wynn masoia eta Filadelfiako 9. Logiako kidea zen. [2] Hestegorriko minbiziak jota hil zen 1966ko ekainaren 19an, Beverly Hillsen, Kalifornian, 79 urte zituela.

Sariak eta izendapenak
Oscar sariak
Urtea Kategoria Filma Emaitza
1960 [3] Bigarren mailako aktore onena The Diary of Anne Frank Izendatua

Erreferentziak
  1. Premios y nominaciones de Ed Wynn en imdb.com
  2. Biografía de Ed Wynn en Grand Lodge of British Columbia and Yukon.
  3. «32th Academy Awards (1960)» Academia de Artes y Ciencias Cinematográficas.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.