E-makumeak

e-makumeak bilguneak Informatikako Ingeniaritzan emakumeek duten egoeraz informazioa bildu eta zabaltzen du.[1]

Taldea 2000. urtearen inguruan sortu zen EHUko Donostiako Informatika Fakultatean, ikasketa hauetara gero eta neska gutxiago hurbiltzen zirela nabaritu zenean. Jaitsiera hau ez da kontu lokala mundu mailako baizik.[2] Taldeak egiten dituen lanak hiru motatakoak dira:

• Informatikaren historian ezagun izan diren informatikarien erreferentziak sortzea eta zabaltzea.[3][4]
• Azterketa estatistikoak eta kuantitatiboak, arlo honen irakaskuntzan eta lan-munduan emakumeek duten presentziaz.
• Azterketa kualitatiboak, neskek eta emakumeek arlo honetan aurkitzen dituzten oztopoei buruz, gero ikasketa hauetan sartzeko eta jarraitzeko erabakigarriak izan daitezkeenak.[5][3]

E-makumeak taldeak sustatuta 2014tik hainbat emakumek idazten dute GAUR8 astekarian informatikari buruz.[6] Guztira 50 artikulu baino gehiago izan dira, eta horietako batzuk emakumearen egunean egunkari gisa argitaratuak izan dira urte batzuetan.[7]

Emakumeak zientzian taldearekin ere lanjudetzan aritzen dira.[8] Horien artean daude 2022ko otsailean Emakumeak Zientzian programaren barruan, "Informatika: mezuak ezkutatu kriptografia erabiliz" tailerrerako prestatutako bideoa.[9] 2021ekoan ipuin bat eta magia joko bat erabili zuten zenbaketa bitarraren kontzeptua azaltzeko.[10] Sistema bitar horretan kontatzeko modua lore eurizaleen ipuinaren bidez ere azaldu zuten.[11] Lehen Hezkuntzako ikasleei algoritmoak azaltzeko grabatutako ipuinak plazaratu zituzten.[12]