Downpatrick

Downpatrick (eskozieraz:Dounpatrick, irlanderaz: Dún Pádraig) Ipar Irlandako Downeko konderrian kokatzen den udalerria da, Belfast hiriburutik 33 kilometro hegoalderuntz dagoelarik. Down konderriko hiriburua da eta San Patrizio santuarekin lotura estua duen historia oparo eta zabala du. 2001eko erroldaren arabera udalerri honek 10.316 biztanle zituen. Downpatrick udalerria Down konderriko Kontseiluaren egoitza da.

Downpatrick
Dounpatrick
Dún Pádraig
herria
Administrazioa
Herrialdea Erresuma Batua
Herrialdea
Lurraldea
Lurralde Historikoa
Konderria		 Erresuma Batua
 Ipar Irlanda
Ulster
Downeko konderria
Posta kodeaBT30
Geografia
Koordenatuak54°19′19″N 5°42′11″W
Map
Demografia
Informazio gehigarria
Telefono aurrizkia02844
Hiri senidetuakBezons
http://www.visitdownpatrick.com/ www.visitdownpatrick.com/

Etimologia

Irlanderazko Dún Pádraig izenak "Patricken gotorlekua" esan nahi du. Izen hau du San Patrizio bertan hobiratu zutelako 461 urtean.

Geografia

Glaziazio garaian sorturiko drumlin artean dago. Drumlin hauek izotzaren azpian gelditu ziren muino biribilduak dira. Hriaren ipar-ekialdean dagoen zingira eremua itsas maila baino 1'3 metro beherago dago eta hau da Irlanda uharteko punturik baxuena.

Historia
Ballynoeko harrespila

Brontze Aroko bi etxe biribil aurkitu dira eta Neolito garaiko aztarnak ere badaude.

Irlandako hiri zaharrenetakoa da, Klaudio Ptolomeok 130 urtean jadanik aipatu baitzuen Dunum izenarekin. Bertakoa zen Dál Fiatach dinastia Ulsterko errege bihurtu zenean erresumaren egoitza Downpatricken ezarri zen eta bertatik agindu zuten erregeek mendeetan zehar.

Gotorlekua bazuen ere, hiri irekia zen Downpatrick eta John de Courcy anglo-normadiarrak ez zuen arazo handirik izan hiriaz jabetzeko. Ulsterreko erregea zen Rory MacDonlevy kanporatua izan zen orduan. 1260an iralnadrrak herria berreskuratzen saiatu ziren Brian O'Neill buru zutela, baina galtzaile atera ziren eta Brian O'Neill bera guduan hil zen gainera. 1567an Shane O'Neill irlandarra jabetu zen hiriaz baina ingelesek berehala berreskuratu zuten.

XVIII mendean Edward Southwell I.ak eta II.ak hiriari garapen handia emanzioten, kaleak birdiseinatuz eta zolatuz, nasak eraikiz eta georgiar estiloko etxe ederrak altxatuz.

Ondasun nabarmenak
  • Downeko katedrala: XII mendeko katedrala 1245ean suntsitu zuen lurrikara batek. Ondoren egin ziren tenpluak ere sarritan suntsitu ziren borrokak zirela eta. Dorre zirkular batek 1790 arte iraun zuen, baina ordurako aztarnak baino ez ziren gelditzen. Gaur egun dakusagun katedral gotikoa 1818an eraiki zen eta dorrea 1826an gehitu zitzaion. Azpian hobiratua dago San Patrizio.
  • Ballynoeko harrespila: Downpatricketik lau kilometro hegoaldera dagoen Ballynoe herriko harrespila da.
  • Inch abatetxea: XII eta XIII mende arteko abatetxe zistertarraren aztarnak.
  • Quoile gaztelua: XVI mendeko dorretxearen aztarnak.

Jaialdiak

Martxoaren 17an San Patrizio eguneko jaialdia izaten da, bere hilobirako erromesaldiarekin batera. Hainbat ekitaldi izaten dira, ezagunena karrozen desfilea da.

Iruditegia
  • Downeko katedrala
    Downeko katedrala
  • San Patrizioren hilobia
    San Patrizioren hilobia
  • Inch abatetxearen aztarnak.
    Inch abatetxearen aztarnak.
  • Quoile gazteluaren aztarnak.
    Quoile gazteluaren aztarnak.
  • San Patrizio eguneko prozesioa.
    San Patrizio eguneko prozesioa.
  • San Patrizio eguneko desfilea.
    San Patrizio eguneko desfilea.
  • San Patrizio eguneko desfilea.
    San Patrizio eguneko desfilea.
  • San Patrizio eguneko desfilea.
    San Patrizio eguneko desfilea.
  • San Patrizio eguneko desfilea.
    San Patrizio eguneko desfilea.
  • San Patrizio eguneko desfilea.
    San Patrizio eguneko desfilea.

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.