Dorretxe

Dorretxe dorre-itxurako etxe sendoa da[1]. Hego Euskal Herrian eta inguruko eskualdeetan (Kantabrian eta, neurri txiki batean, Asturiasen ere) ohikoak dira.

Portugaleteko Salazar dorrea, ca. 1380an eraikia

Erdi Aroan sortuak, hasieran zurezkoak ziren XII. mendetik aurrera harriz eraiki zuten eta oinplano karratukoak. Dorretxea leinu edo bandoko buruak ziren Ahaide Nagusien etxebizitza zen, eta hauek beren lurraldea kontrako bandoarengandik defendatzen zuten. Euskal dorrea, jatorriz, frantsesen antzinako Donjon-arekin eta ingelesen Keep-arekin lotuago dago Espainiako gazteluarekin baino[2].

Leinu gerrak amaitzeko erregeek bandokideen dorretxeak moztea erabaki zuten. 1403an eta 1437an Henrike IV.a Gaztelakoak dorretxe asko eraistea agindu zuen. 1456an Gipuzkoako dorretxeen garaia ailegatu zen eta Gipuzkoako Ermandadeak ganboatar eta oinaztar guztien dorretxeak eraitsi zituen. 1500. urtean, errege-erregina Katolikoek bere aitzindariek hasitako bideari ekin zioten.[3]

Hala ere, ez zituzten guztiak bota eta egun horietako batzuek jada zutik diraute. Edonola ere, Aro Modernoan bere helburu militarra galdu zuten, nahiz eta bertoko biztanleek bere botere eta ondasunak mantendu.

Iruditegia

Erreferentziak
  1. Harluxet Hiztegi Entziklopedikoa. Dorretxe. .
  2. Gazteluen, dorretxeen, baserrien eta mitoen bidea. Bizkaiko Foru Aldundia, 6 or..
  3. Ruiz de la Riva, Eduardo. (1991). Casa y aldea en Cantabria. Un estudio sobre la arquitectura del territorio en los Valles del Saja-Nansa. Universidad de Cantabria, 233 or. ISBN 8485429990..

Ikus,gainera
  • Zerrenda:Bizkaiko dorretxeak
  • Zerrenda:Gipuzkoako jauregi eta dorretxeak

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.