Dorre albarrana
Dorre albarrana (arabieraz: البراني, al-barrānī) defentsa-dorre mota bat da, harresiaren kanpoaldean dagoena, eta hari lotua arku edo zubi baten bidez. Igarobide hori erraz kendu edo suntsitu zitekeen, dorrea etsaien esku eroriz gero. Bai talaia gisa, bai harresia defendatzeko erabiltzen ziren.[1][2]
Dorre albarrana Jaéngo Santa Catalina gazteluan.
Al-Andalusko musulmanek asmatu zituzten dorre albarranak, eta lehenbizikoak XII. mendekoak dira. Almohade dinastiak hedatu zuen haien eraikuntza. Iberiar penintsulako erresuma kristauetara ere zabaldu ziren eta, esate baterako, ordena militarren gotorleku gehienek izan ohi zituzten. Azkenak XVI. mendean eraiki ziren.[2]
Hauek dira dorre albarrana aipagarrienetako batzuk:
- Badajozko Espantaperroseko dorrea, 1170ekoa. Adituen ustez, eraiki zen lehenbizikoa izan liteke.[2]
- Sevillako Torre del Oro
- Kordobako Malmuertako Dorrea
- Talavera de la Reinako dorre multzoa
- Méridako alkazabako dorreak
Erreferentziak
- Torre albarrana. Asociación Española de Amigos de los Castillos, xn--castillosdeespaa-lub.es (Noiz kontsultatua: 2023-6-17).
- Torre albarrana. Castles of Spain, web.archive.org (Noiz kontsultatua: 2023-6-17).
Kanpo estekak
| Autoritate kontrola |
|
|---|
Datuak: Q3307670
Multimedia: Albarrana towers / Q3307670
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.