Donostia-Hondarribia aireportua

Donostia-Hondarribia aireportua — ofizialki Donostiako aireportua / Aeropuerto de San Sebastián — (IATA: EAS, NAZE: LESO) Gipuzkoako aireportu nagusia da, Hondarribiko udalerrian kokatua, Donostiatik 22 kilometrora.

Donostia-Hondarribia aireportua
IATA: EAS • ICAO: LESO Irudi gehiago
Kokapena
Herrialdea Euskal Herria
Probintzia Gipuzkoa
UdalerriaHondarribia
Koordenatuak43°21′23″N 1°47′26″W
Map
Altitudea4,87 m, itsas mailaren gainetik
Historia eta erabilera
Irekiera1955
Inaugurazioa1955eko abuztuaren 22a
KudeatzaileaENAIRE ENAIRE
Izenaren jatorriaDonostia
Aireportua
Pistak
Norabidea Materiala Luze Zabal
05/23Asfalto1.754 m
Zerbitzu hiriaDonostia
Webgune ofiziala

    Historia
    Aireportuko terminala.

    1910eko hamarkadaren hasieran, Gipuzkoak bi aireportu txiki zeuzkan, Ondarretakoa eta Lasartekoa. Horrez gain, Kontxako badia ur-hegazkinek erabiltzeko modukoa zen. 1920. urtean Irungo pertsona talde batek probintziako aireportu nagusia bertan eraikitzea proposatu zion Espainiako Sustapen Ministerioari. Horretarako, Plaiaundi izeneko gunea proposatu zuten Bidasoa ibaiaren bokalean. Beste bi aireportu txikiek martxan segitu zuten, Madril eta Teneriferako hegaldiak eskainiz.

    1930eko hamarkadan zehar, Irunen aireportua eraikitzeko egitasmoa berreskuratu zen, baina zailtasun teknikoak zirela medio, bertan behera geratu zen 1934an. Espainiako aireportuen trafikoa asko handitzen ari zela, 1950eko hamarkadan berriro ere Irunen aireportua eraikitzeko ideia berpiztu egin zen. Azkenik, eraikuntza lanak hasi eta urte eta erdiren buruan eraiki zuten aireportua.

    Inaugurazioa eta bilakaera gaur egun arte

    Inaugurazio ekitaldiak 1955eko abuztuaren 22an egin ziren eta lehen hegaldia abuztuaren 29an izan zen, Aviacoren hegaldi baten bitartez. Dena den, hegazkinek Frantziaren gainetik hegan egin behar zutenez, horrek Frantziako gobernuaren kezka sortu zuen. Horrez gain, aireportuaren azpiegitura ezaren ondorioz, ondoko kontserba lantegi bat bidaiari terminal modura egokitzera behartu zuten.

    Espainia eta Frantziak 1957an adostu zituzten aireportuaren ustiapen mugak: haien arabera, erreakzio-hegazkinek aireportua erabiltzea debekatu zuten, egin beharreko maniobren desegokitasuna zela eta. 1961ean, pista 1.500 metrora luzatu zen eta 1965. urtean, kontrol dorrea eraiki; 1969ean, pista berriro ere luzatu zen, gaurko 1.754 metroetara.

    Egun, aireportua zabaltzeko proiektuaren inguruko eztabaida handia dago. 2000ean Espainiako Sustapen Ministerioak pista handitzeko proiektu bat aurkeztu zuen, hegazkin handiagoek erabiltzeko aukera izan zezaten. Dena den, asmoa gauzatuz gero, etxebizitza eta lantegi batzuk eraitsi beharko liratekeela eta, Irun eta Hondarribiko hainbat bizilagunen haserrea eragin zuen eta hainbat manifestaldi egin ziren haren aurka. 2004an Espainiako gobernuan aldaketa gertatu zenean, bertan behera geratu zen, baina Sustapen Ministerioak proiektua zehazteko asmoa erakutsi du 2006. urtean zehar: gauzak horrela, 2009an Sustapen Ministerioak eta Eusko Jaurlaritzako Garraio Sailak pista luzatzea erabaki zuten, 150 metro Mendelu aldera eta 50 metro itsaso aldera, gaur egungo eragingarritasuna bermatzeko[1].

    Txingudi eta Hondarribiko aireportua.

    Hegaldiak
    Hegaldiak
    Madril-Barajas
    Udan: Palma Mallorcakoa,[2] Londres-Luton
    Bartzelona-Prat

    Estatistikak
    Donostia-Hondarribia aireportuko bidaiari kopuruaren bilakaera 2000-2023
    Eguneratua: 2017ko otsailaren 13a.[3]
    UrteaBidaiariakUrteaBidaiariak
    2001281.0592009315.294
    2002271.2242010286.059
    2003283.8432011248.054
    2004295.5332012261.581
    2005308.7752013244.952
    2006368.0022014245.422
    2007466.4572015255.077
    2008403.1912016264.422

    Ezaugarriak
    • Lurreratze pista (1.754 m luze)
    • Bidaiari terminala
    • Aparkalekua (584 ibilgailu)
    • 3 Ontziratze ate

    Hegaldiak bidaiarien arabera
    Bidaiari gehien izandako hegaldiak – 2012 / 2011
    Postua Hiria 2011n 2012an Aldaketa Airelineak
    1 Madril, Espainia 183.455 169.138 ▼%7,80 Air Nostrum
    2 Bartzelona, Espainia 49.205 81.027 ▲%64,67 Air Nostrum, Vueling
    3 Palma, Espainia 1.450 4.306 ▲%196,97 Air Nostrum
    4 Valentzia, Espainia 343 449 ▲%30,90
    5 Madril-Torrejón, Espainia 413 366 ▼%11,38

    Erreferentziak
    1. (Gaztelaniaz) Aireportuko pista 150 metrotan Mendelu aldera luzatzea eta itsasoaldera 50 metro luzatzea erabaki da, Diario Vasco, 2009-04-15
    2. (Noiz kontsultatua: 2010-06-08).
    3. (Gaztelaniaz) (pdf) AENA. (Noiz kontsultatua: 2017-02-13).

    Ikus, gainera
    • Euskal Herriko aireportuak bidaiarien arabera

    Kanpo estekak
    Euskarazko Wikipedian bada atari bat, gai hau duena:
    Donostia
    Euskarazko Wikipedian bada atari bat, gai hau duena:
    Gipuzkoa
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.