Domenjón Gonzalez

Domenjón Gonzalez
	; Irudi gehiago
Bizitza
Jaiotza	Tolosa, XV. mendea
Herrialdea	Gipuzkoa, Euskal Herria
Heriotza	1489ko azaroaren 18a (egutegi gregorianoa) ( urte)
Hezkuntza
Hizkuntzak	gaztelania; euskara
Jarduerak
Jarduerak	politikaria

Domenjón Gonzalez Andia (Tolosa, Gipuzkoa, ? - Zumaia, Gipuzkoa, 1489ko azaroaren 18a) XV. mendeko politika-gizon gipuzkoarra izan zen.

Biografia

Hainbat unibertsitatetan legeak ikasi ondoren, Gipuzkoako Batzar Nagusietako kide izendatu zuten. Gero, Joan II.aren eta Errege-erregina Katolikoen zerbitzuan egon zen, baina gorte haietako giro eta azpikeriak gogokoak ez izanez, kargu horiek utzi egin zituen.

Gipuzkoako enbaxadorea Ingalaterran, ospe handia lortu zuen bere garaiko nazioarteko diplomazian. Postu hartan Ingalaterra eta Gipuzkoaren arteko itunak negoziatu zituen, horien artean 1474ko Elkarrekiko indemnizazio ituna (Convenio de recíprocas indemnizaciones) izenekoa. Eduardo IV.ak Order of the Garter delakoaren kide izendatu zuen, Frantziako Luis XI.aren kontrako gerran Andiak ekarritako laguntzagatik.

Ermandadeentzat garrantzirik handieneko gizonetako bat izan zen, Oñaz eta Ganboa leinuen arteko guduetan murgildua zegoen Gipuzkoa hartan. Izan ere, Batzarretako Eskribau Nagusi eta Esportazioko alkatea izendaturik, lotura eman zion Ermandadeari, eta alderdiei buru egiteko zeregin hartan gipuzkoar herritarrak bere inguruan bildu zituen. Alderdikerien gaineko Gipuzkoa moldatu zuen gizon hau herriaren oroimenean txertaturik geratu zen, onbera eta, aldi berean, ausart erakusten duten garaiko bertso hauetan ikus daitekeenez: Sagarra eder gezatea / gerriyan ere ezpatea /Domenjon de Andia / Gipuzkoako erregia.

Kaleak

Donostia hiriak kale bat du Erdialdean haren omenez: Andia kalea.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q1655013
Multimedia: Domenjón González de Andía / Q1655013

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.