Doda (abeslaria)

Dorota Aqualiteja Rabczewska (Ciechanów, Polonia, 1984ko otsailaren 15a - ), Doda gisa ezaguna, poloniar musikaria da, Poloniako artisten artean sari gehien irabazi duenetako bat. MTV Europe Music Awardsen irabazlea eta World Music Awardsera nominatua izan da. Bere ikuspegi berritzaile eta bideoklip eztabaidatuak direla eta fama handia irabazi du. Virgin rock taldearen kide izan zen, eta horiekin hiru diska egin zituen, euren artean platinozko diska hirukoitza izan zen Ficca (2005). Taldea 2007an desegin zenean, bakarlari gisa hasi zen, eta bi platinozko album argitaratu ditu: Diamond Bitch (2007) eta 7 pokus głównych (2011). 2016an Virgin taldea berriro elkartu zen eta laugarren album bat ekoiztu zuten, Choni.

Doda (abeslaria)
Irudi gehiago
Bizitza
Jaiotzako izen-deiturak	Dorota Rabczewska
Jaiotza	Ciechanów, 1984ko otsailaren 15a (40 urte)
Herrialdea	Polonia
Lehen hizkuntza	poloniera
Familia
Ezkontidea(k)	Radosław Majdan (en)  (2005 -  2008) Emil Stępień (en)  (2018 -  2022)
Bikotekidea(k)	ikusi Emil Haidar (en)
Hezkuntza
Hizkuntzak	poloniera
Jarduerak
Jarduerak	abeslaria, telebistako pertsona ospetsua eta estudioko musikaria
Kidetza	Virgin
Izengoitia(k)	Doda
Genero artistikoa	pop musika
Ahots mota	mezzosopranoa
Musika instrumentua	ahotsa
Diskoetxea	Universal Music Group
dodaqueen.com

2008an CNNk Doda historiako 10 poloniar famatuenen zerrendan sartu zuen[1]. 2011n Viva! aldizkariak Poloniako 10 emakume garrantzitsuenen taldean sartu zuen[2]. Machina aldizkariak 50 emakume abeslari onenen zerrendan sartu zuen[3] eta Wprost aldizkariak 100 poloniar garrantzitsuenen zerrendan[4]. Zerrendako emakume abeslari bakarra zen.