Diterpeno

Diterpenoak lau isoprenoz osaturiko terpenoak dira. Lipido saponifikaezinak dira eta 20 karbonotako katea dute.

Landareetan, intsektuetan, onddoetan eta itsasoko animalietan agertzen dira.

Garrantzi biologikoa

Diterpeno batzuek garrantzi biologiko handia dute:

Fitola: klorofila molekularen alde hidrofoboa osatzen du; fotosintesian ezinbestekoa da, beraz.
Giberelina: landareen fitohormona garrantzitsua da, hazien eta kimuen latentzia garaia mozten eta ernaldia hasten baitu.
Erretinola (A bitamina): erretinak ongi funtzionatzeko ezinbestekoa izateaz gain, eragina du immunitate-sisteman eta enbrioiaren hazkundean ere.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.