Dieudonné M'bala M'bala

Dieudonné M'bala M'bala (Fontenay-aux-Roses, 1966ko otsailaren 11 - ), Dieudonné (djø.dɔ.ne ahoskatua) izen artistikoz ezaguna, frantziar antzezle eta umorista da. 1993an egin zen ezagun, Élie Semoun umoristarekin bikote artistikoa eginez. Biek Élie et Dieudonné bikote komikoa osatu zuten 1997ra arte. Aldi berean, Dieudonnék militantzia politiko aktiboa izan du ezaugarri. Hasiera batean pentsamendu ezkertiar eta antirrazistekin lerrokatuta bazegoen ere,[1] 2000. hamarkadaren hasieran bere jarrerek antisemitatzat hartzen ziren ikuspuntuetarantz jo zuten, eta eztabaida nabarmenak sortu ziren, urteen poderioz areagotuz joan direnak.[2] Politikoki, umorista Fronte Nazionalaren eta, oro har, eskuin muturraren postulatuetara hurbilduz joan da, jarrera negazionistak zabalduz.[1] Egoera horren ondorioz, hainbat arazo judizial izan dira, eta Frantziako Gobernuak zenbait ikuskizun debekatu ditu, hala nola Le Mur, 2014. urtearen hasieran.[3]

Dieudonné M'bala M'bala
Irudi gehiago
Bizitza
Jaiotzako izen-deiturak	Dieudonné M'Bala M'Bala
Jaiotza	Fontenay-aux-Roses, 1966ko otsailaren 11 (58 urte)
Herrialdea	Frantzia  Kamerun
Lehen hizkuntza	frantsesa
Hezkuntza
Heziketa	Lycée Lakanal (en) Lycée Michelet, Vanves (en)
Hizkuntzak	frantsesa
Jarduerak
Jarduerak	komediantea, bakarrizketalaria, politikaria eta aktorea
dieudosphere.com