Sergei Diagilev

Sergei Diagilev
	; Irudi gehiago
Bizitza
Jaiotza	Selixtxi, 1872ko martxoaren 31
Herrialdea	Errusiar Inperioa
Bizilekua	Perm; San Petersburgo; San Petersburgo
Lehen hizkuntza	errusiera
Heriotza	Venezia, 1929ko abuztuaren 19a (57 urte)
Hobiratze lekua	Veneziako San Michele hilerria
Heriotza modua	berezko heriotza: diabetes mellitusa
Familia
Aita	Pavel Diaghilev
Ama	Q122363118
Bikotekidea(k)	ikusi Boris Kochno (en) ;
Familia	ikusi Vasily Dyagilev (en) (iloba); Sergey Diaghilev (en) (birbiloba);
Hezkuntza
Heziketa	San Petersburgoko Musika Kontserbatorioa ; San Petersburgoko Unibertsitate Inperiala ; (1890eko abuztua - 1896)
Hizkuntzak	errusiera
Irakaslea(k)	Nikolai Rimski-Korsakov
Ikaslea(k)	ikusi Marie Rambert;
Jarduerak
Jarduerak	arte-kritikaria, antzerki enpresaburua, kazetaria, editore-laguntzailea, arte-historialaria, ekintzailea eta koreografoa
Lan nabarmenak	ikusi Errusiar Balletak; Arte mundua;
Kidetza	Errusiar Balletak
Genero artistikoa	Balleta

Sergei Pavlovitx Diagilev (Selixtxi, Novgorod, Errusiar Inperioa, 1872ko martxoaren 31^greg./martxoaren 19a^jul. - Venezia, Italia, 1929ko abuztuaren 19a) arte arloko enpresaburua izan zen, Errusiar Balleten sortzailea.

Bizitza

Zuzenbide-ikasketak egin zituen San Petersburgon, eta zenbait artista gazteren lagun egin zen bertan. 1898tik 1904ra arte iraun zuen Mir Iskusstva (Artearen mundua) aldizkariaren zuzendari izan zen. Harrezkero, zenbait ikuskizun antolatu zuen, San Petersburgon eta Parisen, batez ere; Parisen, Boris Godunov obra aurkeztu zuen. Errusiara itzuli eta Antzerti Inperialeko dantzariekin ballet-talde bat eratu zuen. 1909. urtean Parisko ballet-denboraldia antolatu zuen, eta Silfideak, Armidaren pabiloia eta Igor printzea eta Kleopatra obra arrakastatsuak aurkeztu zituen han. Hasieratik lortu zuen bere garaiko poeten, musikagileen eta margolarien laguntza.

1910. urtean, Scheherazade, Suzko txoria eta Inauteriak obrak aurkeztu zituen, Parisen horiek ere. Bere konpainia sortu zuen hurrengo urtean. Garai hartan, Vatslav Nijinski dantzari eta koreografoa aurkitu zuen, eta bi ballet eman zituen ezagutzera: Udaberriaren eskaintza, Stravinskirena, eta Suak Debussyrena. Diagileven eta Nijinskiren artean izan zen hausturaren ondoren, Michel Fokine errusiar koreografo eta dantzariak parte hartu zuen Diagileven taldean. Mundu guztian ibili zen, harrezkero, bere ballet-konpainia handiarekin. Koreografo eta dantzari handiak ezagutzera eman zituen, 20 urtean zehar. 1916. urtetik hil zen arte, ballet hauek aurkeztu zituen, besteak beste: Aldarte oneko emakumeak, Hiru adarreko kapela, Renard, Ezteiak, Tren urdina, Marinelak, Katemea, Apolo Musageta, Dantza eta Seme hondatzailea.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Sergei Diagilev

Datuak: Q211513
Multimedia: Sergej Diaghilev / Q211513

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.