Desertu–Barakaldo geltokia

Geltokia honako burdinbide hauen ibilbidearen zati da:[1]

•  Bilbo — Santurtzi: 8,300 kilometro-puntua
•  Bilbo — Muskiz: 8,300 kilometro-puntua

•    Murrieta kalea, 4
•   El Desierto plaza

Irisgarritasuna

Nahiz eta sarbideak irisgarriak izan, nasa eta trenaren arteko tartea eta nasen arteko ibilbidea dela eta geltokiaren erabilera ez da irisgarria. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu», «Burdinbide zerbitzuen eragileak ez du Mugikortasun Urriko Pertsona erabiltzaileari bermatu ibilgailutik igo edota jaistea», eta «Mugikortasun Urriko Pertsona erabiltzaileak ez du nasa batetik bestera gurutzatzeko elementu mekaniko edo eraikuntza elementurik.»[2]

Irisgarritasuna
Lekua	Sarbidea	Egoera
Geltokia	Murrieta kalea
	El Desierto plaza
Nasak	1. trenbidea
	2. trenbidea
	3. trenbidea
Trenak	1. trenbidea
	2. trenbidea
	3. trenbidea

Geltokia 1888ko martxoaren 19an inauguratu zen, Bilbo-Santurtzi burdinbide tartea irekitzearekin batera, geroago Portugaletera helduko zen linean.[3] Lanak Bilbotik Portugaleterainoko Burdinbide Konpainiak egin zituen. 1889. urtean geltokiari Bizkaiko Foru Aldundiaren esku zegoen Trianoko Burdinbidea batu zitzaion, hasiera batean zamak garraiatzeko zena, eta geroago bidaiarientzako zerbitzua eskaintzen hasi zuena.[4]

1923an geltokia handitu eta birmoldatu zen, hasierako egitura mantendu zelarik, eta 1960ko hamarkadan geltokiari eraikin berri bat atxikitu zitzaion.[5]

2004ko abenduaren 31tik Renfe Operadorak linea ustiatzen du, Adif trenbide-instalazioen titularra den bitartean.[6]

2009an geltokitik Arrontegiko zubira arte 700 metro trenbide estali zituen Bilbao Ría 2000 erakundeak.

2017ko urriaren 13an trenbideak gainetik zeharkatzen dituen pasabidea eraiki du Barakaldoko Udalak, Urban Galindo eta zentroko Murrieta kalea irisgarritasun neurriz lotzeko helburuarekin. Hasiera batean ADIFek Udalarekin pasabide berri horretatik geltokiko nasetara igogailuak instalatuko zituela hitzartu bazuen ere, atzera egin eta pasabidea baino ez da eraiki, nasetarainoko irisgarritasun falta jarraitzen duela.[7][8]

Bestalde, Bilbao Ría 2000k geltokia guztiz birmoldatzeko asmoa azaldu zuen, trenbidearen beste 200 metro estaliz eta eraikin berri baten eraikuntzarekin.[9] Hala ere, gaur egun lanak hasteke daude, eta laster gertatuko den erakundearen desagertzearekin batera, lanak ez gauzatzeko arriskua dago.[10]

Barakaldo udalerriaren ipar-ekialdean kokatzen da. Bi bidaiarientzako eraikin ditu, leihatiladun txarteldegiak, txartel salmenta eta balioztatze makinak, eta 2017tik desfibrilagailua ere jasotzen dituztenak.[11]

Geltokiak lau trenbide eta bi nasa ditu, bata albokoa eta bestea zentrala, biak markesinaz hornituta. Nasen arteko aldaketa trenbideak azpitik zeharkatzen dituen tunela erabilita egiten da, eta horretarako eskailerak daude. Kanpoaldean taxi geralekua dago.

• Administrador de Infraestructuras Ferroviarias
• Renfe Operadora

• ADIF enpresako web gunea
• RENFE enpresako web gunea

Sestao Desertu–Barakaldo Lutxana–Barakaldo Santurtzi Bilbo–Abando