Departamendu

Departamendu bat estatu bat administratiboki lurraldez banatutako unitate bakoitza da.

Estatuen arabera, departamendu bat estatu, probintzia edo oblast baten baliokidea da (barne politikak definitzen baitu banaketa, tamaina eta eskumenak), eta maila goragoko banaketarekin edo gabe (eskualde, erkidego...) antola daiteke.

Honako herrialdeak departamenduetan banatzen dira (alfabetoaren hurrenkeran): Argentina, Benin, Boli Kosta, Bolivia, Burkina Faso, El Salvador, Frantzia, Gabon, Guatemala, Haiti, Honduras, Kamerun, Kolonbia, Nikaragua, Niger, Peru, Paraguai, Senegal eta Uruguai.

Frantziako departamenduak
Sakontzeko, irakurri: «Frantziako departamenduak»
Frantziako metropoliko departamenduak

Frantzia 101 departamendutan banatzen da (horietatik 4 itsasoz haraindira). Banaketa hori 1790eko urtarrilaren 4ean erabaki zen, antzinako probintziak ordeztuz. Bakoitzaren burua prefeta da.

Departamendua tokiko kolektibitate dezentralizatua ere bada, Kontseilu Orokorrak gidatua eta sei urterako Hautapen Unibertsal Zuzenez aukeratua.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.