Dennis Joseph Enright

Dennis Joseph Enright
Bizitza
Jaiotza	Royal Leamington Spa (en) , 1920ko martxoaren 11
Herrialdea	Erresuma Batua
Heriotza	Londres, 2002ko abenduaren 31 (82 urte)
Heriotza modua	: eritasuna
Hezkuntza
Hizkuntzak	ingelesa
Jarduerak
Jarduerak	idazlea, eleberrigilea eta literatura-kritikaria
Enplegatzailea(k)	Warwickeko Unibertsitatea ; Singapurreko Unibertsitate Nazionala
Jasotako sariak	ikusi Cholmondeley Award ; Queen's Gold Medal for Poetry ; Fellow of the Royal Society of Literature ; Britainiar Inperioko Ordenaren ofiziala ;

Dennis Joseph Enright (Leamington, Warwickshire, Ingalaterra, 1920ko martxoaren 11 – Londres, Ingalaterra, 2002ko abenduaren 31) poeta, eleberrigile eta kritikari ingelesa izan zen.

Biografia

Leamington Collegen eta Downing Collegen (Cambridge) egin zituen ikasketak. 1947tik 1950era, ingeleseko irakasle aritu zen lanean Alexandriako Unibertsitatean. Hainbat katedra izan zituen Konan (Japonia), Berlin eta Bangkoken. Ondoren, Singapurreko Unibertsitateko irakasle izan zen.

Enrightek ezagutzen dituen lekuak erakusten ditu poemetan, eta baita gainbeheran diren zibilizazioek dituzten arazoak ere. Poesia-bildumen artean, aipagarriak ditu: Bread rather than Blossoms (1956, "Ogia loreen ordez"), Japoniako bizitzaren hainbat alderdi aztertzen dituena; Some Men are Brothers (1960, "Gizon batzuk anaiak dira"), Siam, Berlin eta Japoniari buruzko poemak biltzen dituena; Addictions (1972, "Zaletasunak"); Daughters of Earth (1972, "Lurraren alabak"), eguneroko bizitzaren egoerak erakusten dituena; Rhyme Times Rhyme (1974, "Errima-denborak"); Sad Ires (1975, "Hira tristeak"); A Faust Book (1979).

Eleberrigile gisa, aipatzekoak ditu: The Apothecary´s Shop (1957, "Botika denda"), Conspirations and Poets (1966, "Konspirazioak eta poetak") eta Man is an Onion (1972, "Gizona tipula da").

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3754030

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.