David Saul Marshall

David Saul Marshall (Singapur, 1908ko martxoaren 12a - ibidem, 1995eko abenduaren 12a) Singapurko abokatu, politiko eta diplomatikoa izan zen.

David Saul Marshall
Irudi gehiago
ambassador of Singapore (en) 1978 - 1993 Member of the Parliament of Singapore (en) 1961eko uztailaren 15a - 1963ko irailaren 3a 1. Chief Minister of Singapore (en) 1955eko apirilaren 6a - 1956ko ekainaren 7a - Lim Yew Hock (en) → Member of the Parliament of Singapore (en) 1955eko apirilaren 2a - 1957ko apirilaren 29a
Bizitza
Jaiotza	Singapur, 1908ko martxoaren 12a
Herrialdea	Singapur
Heriotza	Singapur, 1995eko abenduaren 12a (87 urte)
Heriotza modua	berezko heriotza: birikako minbizia
Hezkuntza
Heziketa	Londresko Unibertsitatea Saint Andrew's Secondary School (en)
Hizkuntzak	ingelesa
Jarduerak
Jarduerak	diplomazialaria, politikaria eta abokatua
Sinesmenak eta ideologia
Erlijioa	judaismoa
Alderdi politikoa	Labour Front (en)

Familia judu batean sortu zen. Saltzaile gisa eta ontziola bateko langile gisa lanean aritu ondoren, Londresa aldatu zen zuzenbideko ikasketak egitera; harrezkero, Britainia Handian lan egin zuen 1937. urtera arte, eta bere sorterrian 1938tik aurrera. Japoniarrek Singapur eraso zutenean gerrako preso hartu zuten (1942), eta 1946. urtean Singapurra itzuli zenean berriro hasi zen zuzenbidean lanean. Abokatu gisa lanean ari zela hasi zen politika-gaiez kezkatzen, eta joera progresista moderatuaren baitan jardun zuen politikagintzan. Singapurko Langileen Frontearen garaipena bideratu zuen 1955. urteko hauteskundeetan, eta hauteskunde haien ondoren Lehen Ministro izendatu zuten. Baina Singapur Erresuma Batuarengandik askatzeko elkarrizketetan ez zuen emaitza onik lortu, eta gizartean haserrea piztu zelarik, bertan behera utzi behar izan zuen kargu hura, handik urtebetera; oposizioan egon zen denboran ez zuen garrantzizko beste lanik egin. 1978an Parisa joan zen enbaxadore, eta 1993. urtean sorterrira itzuli zenez gero, heriotza-zigorraren kontrako lanean eta beste zenbait gai humanitarioren ingurukoetan nabarmendu zen.