David Riesman

David Riesman
Bizitza
Jaiotza	Filadelfia, 1909ko irailaren 22a
Herrialdea	Ameriketako Estatu Batuak
Heriotza	Binghamton (New York), 2002ko maiatzaren 10a (92 urte)
Familia
Aita	David Riesman
Hezkuntza
Heziketa	Harvard Law School (en) ; Harvard College (en)
Hizkuntzak	ingelesa
Jarduerak
Jarduerak	soziologoa, abokatua, unibertsitateko irakaslea eta idazlea
Enplegatzailea(k)	Chicagoko Unibertsitatea ; University at Buffalo (en) ; Harvard Unibertsitatea
Lan nabarmenak	ikusi The Lonely Crowd (en) ;
Jasotako sariak	ikusi Prix Alexis de Tocqueville (1980) ;
Kidetza	Arteen eta Zientzien Ameriketako Estatu Batuetako Akademia

David Riesman (Filadelfia, Pennsylvania, AEB, 1909ko irailaren 22a - Binghamton, New York, AEB, 2002ko maiatzaren 10a) estatubatuar soziologoa izan zen.

Biografia

1935 eta 1936. urteetan Estatu Batuetako Auzitegi Goreneko Justizia Elkarteko idazkari gisa lan egin zuen. 1937-1941 bitartean zuzenbide-irakasle izan zen, Buffalo Unibertsitatean, eta 1942-1943 urteetan New Yorkeko konderriko fiskal nagusiaren laguntzaile. 1946tik aurrera zuzenbideko eskolak eman zituen Chicagoko Unibertsitatean, eta 1958an soziologia-irakasle izendatu zuten, Harvarden.

"Jendetza bakartia" (1950) liburua idatzi zuen, Nathan Glazer eta Reuel Denney estatubatuar soziologoekin elkarlanean; arrakasta handia lortu zuen, baina eztabaida sortu zuen aldi berean. Liburuan, Estatu Batuetan gertatutako gizarte-aldaketa aztertu zuten egileek; haien ustez, Estatu Batuetako gizartea gizarte autogobernatua eta indibidualista izatetik gurasoen esanetara egotetik gizarte heterogobernatua izatera igaro zen konformekeriak eta masen portaerak markatua. Riesmanen arabera lehiakortasun handiko gizartea izatetik (ekonomia- eta demografia-hazkunde handikoa) demografia eta ekonomia egonkorreko gizartea izatera igarotzean gertatu zen aldaketa. Orobat kritikatu zuen industrializazio ondorengo gizartea, gizabanakoa nortasunik gabe eta gizarte-harreman estandarizatuen mendean utzi zuelako.

Obra hautatua

Thorstein Veblen: A critical interpretation - 1953.
Individualism Reconsidered and Other Essays - 1954.
Abundance for What? - 1964.
The Lonely Crowd: A Study of the Changing American Character - 1950

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q504319

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.