Datil

Datila fruitu jangarria da, datil-palmondoak ematen duena. Fruitu mamitsua eta luzanga da, 4-6 zentimetro luze, barnean hezur luzaran bat daukana. Oso energetikoa da, azukre kantitate handia baitu (%70 inguru). Oinarrizko jakia da Ekialde Hurbilean eta Magrebean. Egipto, Iran, Aljeria eta Saudi Arabia dira munduko ekoizlerik handienak.

Datil
fruitu, janari, tropical and subtropical fruit (en) Itzuli eta Q29043273 Itzuli
Historia
Honen produktuaDatil palmondo
Datilak

Aldaerak

200 datil mota inguru daude: batzuk zuriak, handiak, oso azukretsuak eta jateko onak dira, eta beste batzuk txikiak, lehorrak eta azukre gutxidunak; azken horiek behin ehotuz gero irina ematen dute, ogiaren ordez erabiltzen dena. Zapaldu ondoren uretan hartzitzen jartzen badira, datil-ardoa izeneko edaria ematen dute.[1]

Ezaugarri nutrizionalak

Oso azukre eduki handia dute, %70 inguru. Gainera, oso aberatsa dira karbono hidratotan, burdinean, potasioan eta fosforoan. Bitaminak ere asko dituzte: A bitamina, C bitamina, tiamina, erriboflabina, niazina eta triptofanoa

Ezaugarri medizinalak

Medikuntzan onuragarritzat hartzen da. Naturopatian, asma, eztul, minbizi, tuberkulosi, bronkitis, sukar, urdaileko min, marranta, begi nekea eta gonokozia kasuetan preskribatzen da. Fruitu ondua, esnetan irakina, arnasbideak xamurtu eta irekitzeko erabiltzen da.

Ekoizpena
Datil ekoizpena herrialdearen arabera, 2012
Datil ekoizle handienak – 2016
(tona metrikoak)
Egipto1.694.813
Iran1.065.704
Aljeria1.029.596
Saudi Arabia964.536
Arabiar Emirerri Batuak671.891
Irak615.211
Pakistan494.601
Sudan439.120
Oman348.642
Tunisia241.000
Mundu osoa8.460.000
Iturria: FAO[2]

Erreferentziak
  1. Lur entziklopedietatik hartua.
  2. FAOSTAT:Crops. Elements:Production Quantity / Items:Dates / Years:2016, fao.org (Noiz kontsultatua: 2018-7-8).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.