Cutty Sark

Cutty Sark britainiar belaontzi bat da, luzaroan Txinatik Erresuma Batura artean te kargak ekartzen eta Australiatik artilea ekartzen jardun zuen. Clipper motako ontzia hau munduko itsasontzi ospetsu eta mitikoenen artean dago.

Cutty Sark
Fabrikazioa
FabrikatzaileaScott and Linton (en) Itzuli
Jatorrizko herrialdeaErresuma Batua
Ekoizpen-lekuaDumbarton
Kostua16.150 £
Historia
Gila jartzea 1869
Eskaera 1869ko otsailaren 1a
Uretaratzea 1869ko azaroaren 22a
Zerbitzuaren hasiera 1870eko otsailaren 16a
Zerbitzuaren amaiera 1954ko abenduaren 1a
Inaugurazioa1869ko azaroaren 22a
Erregistro-herrialdeaErresuma Batua, Portugal eta Erresuma Batua
JabeaJock Willis Shipping Line (en) Itzuli 1870eko otsailaren 16a-1895eko uztailaren 22a
Joaquim Antunes Ferreira & C.ª (en) Itzuli 1895eko uztailaren 22a-1922
Wilfred Dowman (en) Itzuli 1922-1938
Companhia Nacional de Navegação (en) Itzuli 1922-1922
Thames Nautical Training College (en) Itzuli 1938-1953
Cutty Sark preservation Society (en) Itzuli 1953-
Kokapena
Koordenatuak51°28′58″N 0°00′35″W
Estatu burujabe Erresuma Batua
Herrialdea Ingalaterra
Ingalaterrako eskualdeaLondresko eskualdea
Ingalaterrako konderri zeremonialaLondres Handia
Londresen banaketa administratiboaGreenwich
Ezaugarriak
Dimentsioak6,41010010101 (zingoa) × 10,97 (erruna) m
Luzera (nautika): 100.000.000 (luzera) m
Erruna10,97 m
Zingoa6,41010010101 m
Masa2.133 t
Tona-brutoak963
Abiadura17,15 kn
Identifikazioa
Berezko-portuaLisboa, Txinako Herri Errepublika, Falmouth eta Greenhithe (en) Itzuli

Gaur egun Londres hirian dagoen Greenwich auzoko kai batean ikusgai dago. 2007ko maiatzaren 21ean zaharberritze prozesuan zegoela sute batek kaltetu zuen.

Izena

Izena Robert Burns eskoziar olerkariaren Sam O'Shanter olerkian agertzen den fikziozko pertsonaia den Nannie Dee sorgin hegalariaren "Cutty Sark" ezizenari zor dio. Eskozierazko ezizen honek euskaraz "Atorra Motz" esan nahi du.

Historia

1869an Eskoziako Dumbarton hiriko Scott & Linton ontziolan eraiki eta urte bereko azaroaren 22an itsasoratu zen.

Cutty Sark ontzia garai hartan puri-purian zegoen Txina eta Londres arteko te merkataritzan jarduteko helburuz eraiki zen. Izan ere, merkataritza honek Erresuma Batura zetorren lehenbiziko te denboraldiko karga zekarrenari sekulako dirtzak irabazteko aukera ematen zion, Britainia Handian tearen kontsumoak etengabeko gorakada baitzuen.

Clipper motako ontziak diseinu bereziko ontziak ziren eta ordurarteko belaontziek baino abiadura handiagoak hartzeko gai ziren, Cutty Sark berak bere markarik onena 24 orduko nabigazioan 360 itsas milia (666 kilometro) nabigatzea lortu zuen, bataz besteko 15 korapiloko (27,7 km/ord.) abiaduran.

Baina XIX. mendearen amaieraldera baporeontzien agerpenarekin belaontzien gainbehera geldiezina etorri zen, baporeontziak Suezko kanala igarotzeko gai izateaz gain euren karga eramateak askoz ere fidagarri eta maizagoak baitziren. Orduan Cutty Sark ontziak Australiako artile kargak ekartzeari ekin zion. Richard Woodge kapitain trebearen agindupean artile kargak 67 egun eskasetan garraiatzera ere iritsi zen.

1895ean Cutty Sark ontzia Ferreira portugaldar ontziolari saldua izan zen eta honek Ferreira izena ipini zion. Halere, portugaldar eskifaiak ontziari Pequena Camisola deitu ohi zion, eskozierazko jatorrizko izenaren portugesezko itzulpena.

1916an guztiz zaharberritua eta Hego Afrikako Lurmutur Hiriko portuan goleta bilakatua izan zen, Maria do Amparo berrizendatua izan zelarik.

1922an Wilfred Dowman britainiar kapitainak erosi eta bere jatorrizko itxura berrezarri zion.

  • 1916an ohialak guztiz zabaldurik.
    1916an ohialak guztiz zabaldurik.

Bitxikeria

Cutty Sark ontziak izen bereko Cutty Sark whiskyari izen ematen dio.

Informazio praktikoa
  • Helbidea: King William Walk, London SE10 9HT
  • Ordutegia: 10:00 - 16:15
  • DLR geltokia: Cutty Sark for Maritime Greenwich

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.