Crozet uharteak

Crozet uharteak (frantsesez eta ofizialki Archipel Crozet) Indiako ozeanoaren hegoaldean dagoen uhartedia da. Frantziaren itsasoz haraindiko lurraldeak dira.

Crozet uharteak
Datu orokorrak
Mendirik altuenaMont Marion-Dufresne (en) Itzuli
Garaiera1.050 m
MotaUhartedi eta Frantziaren lurralde austral eta antartikoetako barrutia
Azalera352 km²
Geografia
Map
Koordenatuak46°23′S 51°40′E
Honen parte daFrench Southern and Antarctic Lands nature reserve (en) Itzuli
Estatu burujabe Frantzia
Mendeko lurralde Frantziaren lurralde austral eta antartikoak
Ur-gorputzaIndiako ozeanoa

Geografia

Haitzak eta uhartetxoak kontuan hartu gabe, sei uharte nagusi (horietako bi uhartediak) daude ekialdetik mendebaldera:

IzenaAzaleraMendirik altuenaKokapena
Mendebaldeko multzoa
Île aux Cochons67 km²Richard-Foy mendia (770 m.)46°06′S 50°14′E
Île des Pingouins3 km²Manchots mendia (340 m.)46°25′S 50°24′E
Îlots des Apôtres(1)2 km²Pierre mendia (289 m.)45°57′S 50°25′E
Ekialdeko multzoa
Île de la Possession150 km²Mascarin haitza (934 m.)46°24′S 51°46′E
Île de l'Est130 km²Marion-Dufresne mendia (1.050 m.)46°25′S 52°12′E
Crozet uharteak352 km²Marion-Dufresne mendia (1.050 m.)45°57' - 46°29'S
50°10' - 52°19'E

(1)Oharra: Uharte nagusi bi (Grand Île eta Petite Île) eta 20 haitz inguruk osatua.

Crozet uharteek ez dute biztanlerik, Alfred Fauren, 1963tik aurrera Île de la Possessiongo ekialdeko zatian dagoen ikerketa zentroan, daudenak baino. La Grande Manchotière eta La Petite Manchotière zentroak ere eratuak izanak ziren.

Historia

Uhartediak, Adélie Lurraldea, Kerguelen uharteak, Amsterdam uhartea eta Saint-Paul uhartearekin batera, Frantziaren lurralde austral eta antartikoak osatzen ditu.

Marc-Joseph Marion du Fresne, frantziar esploratzaileak, 1772ko urtarrilaren 24an, Île de la Possession aurkitu eta Frantziarako aldarrikatu zuen uhartediaren jabetza. Izena bere bigarren ofiziala zen Jules Crozeterena jarri zion (berak jadanik Marion uhartea aurkitua zuelako). XVIII. mendean, itsas txakur ehiztariek eta, XIX. mendean, Massachusettseko baleazaleek erabili zituzten.

Frantziak Madagaskarretik gobernatu zuen uhartedia, 1955ean Frantziaren lurralde austral eta antartikoak departamenduaren zati bihurtu arte. 1938an, Crozet uharteak erreserba naturala bihurtu ziren.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.