Cristina Spínola

Cristina García Spínola de Brito (Las Palmas Kanaria Handikoa, 1976ko ekainaren 27a) Kanarietako kazetaria, kirolaria, telebistako kazetaria, idazlea eta Youtuber-a da. Laguntza teknikorik gabe eta gelditu gabe munduari bira eman dion lehen emakume espainiarra, eta Mexikoko Californiako Golkoko Cortés Itsasoan bakarka arraun egin duen lehen espainiarra.

Cristina Spínola
Bizitza
JaiotzaLas Palmas Kanaria Handikoa, 1976ko ekainaren 27a (47 urte)
Herrialdea Espainia
Hezkuntza
HeziketaMadrilgo Complutense Unibertsitatea
Hizkuntzakgaztelania
Jarduerak
Jarduerakkazetaria, kirolaria, erreportaria, idazlea, youtuberra, telebista-ekoizlea eta television journalist (en) Itzuli
Lantokia(k)Kanariak
solaenbici.com
Facebook: cristinaspinoladebrito Twitter: solaenbici Edit the value on Wikidata

Ibilbidea

Cristina Kanaria Handiko Las Palmasen jaio zen, Las Palmas probintziako hiriburuan, Espainian. Kazetaritzan graduatu zen Madrilgo Unibertsitate Konplutentsean 1999an. 1994tik 1998ra kazetari aritu zen La Probintzian - Diario de Las Palmasen. 1999tik 2009ra, erreportaria eta aurkezlea izan zen Antena 3 TV, TVE eta Kanarietako Telebistan.[1]

Televisión Españolan hasi zen emakumeen eskubideen aldeko aktibismoan. 2005ean, gertaerei buruzko programa bat aurkeztu zuen; kasu gehienak genero-indarkeriakoak eta oso basatiak ziren. Bere kazetaritza-bokazioak konpromiso soziala izan behar zuela konturatu zen, eta emakumeen eskubideen aldeko kanpaina egiten hasi zen, bizikletaz.[2] 2005ean, bizikletaz ibili zen, bakarrik, zazpi kanariar uharteetan barna, La ruta por la igualdad ekimenarekin. Ekimen horri esker, zazpi kanariar uharteetan ibili zen, Hierro uhartetik Lanzarotera, genero-berdintasuna aldarrikatuz.[3][4][5] Abentura hori kontatzeko Sola, Ruta por la Igualdad (2006) liburua idatzi zuen, eta lema berarekin bidaia handiago bat egitea bururatu zitzaion.[6] Lehen pausoa emateko eta bidaiatuz bizitzeko mugak nola gainditu zituen azaltzen duen garapen pertsonaleko esperientzia, Taller de Felicidad, Claves para Crear la Vida que Quiere (2016) liburuan kontatu du.[2] Azken liburuan, Sola en bici, Soñé Grande yToqué el Cielo (2018)[7], munduari bizikletaz egindako itzulia kontatzen du. 2014tik 2017ra bitartean, 27 herrialdetan eta 30.000 km inguru egin zituen, gehienak bakarrik.[8][9]

Munduan zehar bizikletaz
Punta Gallinas, Península de La Guajira, Colombia. 2915.
Bizikleta bidezko mundu-bira, Cristina Spínola.@mlatsone-ren argazkia
45 egun bakarrik kayakean Cortez itsasoan, Mexikon. Jon Craneren argazkia.

2014ko martxoan Hegoafrikara joan zen bere bizikleta kutxa batean zeramala. Handik Ekialdeko Afrika osoan pedalei ematen hasi zen Etiopiaraino, tartean Mozambike, Malawi, Tanzania eta Kenyatik igaroz. Addis Abeban hegazkina hartu zuen —eta gizon batekin ez zegoenez, Saudi Arabian ez zioten Ekialde Hurbila zeharkatzeko beharrezko bisarik eman—. Indiako Ozeanoa zeharkatu zuen Bombayraino, India zeharkatu zuen Nepaleraino; handik Asiako hego-ekialdera, gero Singapur, Indonesia, Zeelanda Berria... eta handik Los Angelesera. Los Angelesetik Magallanes itsasarteraino, hiru urte eta hilabete bat behar izan zituen Cristina Spinolak. [10]

Cristinaren bidaiaren helburua gizon eta emakumeen arteko berdintasuna eta emakumeen ahalduntzea gizarteko esparru guztietan sustatzea izan da. Emakume batzuek bizi garen gizarteak inposatzen dituen kateak kentzeko behar duten inspirazioa izan nahi du, halako moldez non euren bizitzan dauden kate bakarrak beren bizikletenak izan daitezen. Cristina Spínolak, munduan zehar bizikletaz egindako bidaian, bortxaketa saiakera batetik, matxetez egindako eraso bati ihes egin zion, fusil baten tiroa jasotzear egon zen eta hala ere, Kanariarrak pedalei eragiten jarraitu zuen abentura horretan helburu bakarrarekin: gizon eta emakumeen arteko berdintasunaren alde borrokatzea.[11] 2017ko apirilaren 21ean, laguntza teknikorik gabe eta atsedenik gabe bizikletaz munduari buelta eman zion lehen emakume espainiarra izateko erronka, hiru urte eta hilabetez 27 herrialdetan zehar pedalei emanez eta 30.000 km bidaiatuz, arrakastaz amaitu zuen Ushuaian (Argentina). [10] [12] [13] [14]

45 egun bakarrik kayak-en

2017. urteko abenduaren amaieran, Spínola beste erronka handi bati ekin zion: Behe Kaliforniako penintsula iparretik hegoaldera zeharkatzea, bakarrik, kayak batean. Bere asmoa bi hilabetetan ibilbide hau osatzea bazen ere, eguraldi txarrak eta ur eskasiak bidea hiru hilabetetan bukatzera eraman zuen, 45 egunez nabigatzen. Abentura hartan ez zuen laguntza teknikorik izan, eta 800 km-ko kostaldea arraunez egin zuen, erabat bakarrik, Mexikoko penintsulako itsasertzean ausaz lo eginez eta ur- eta janari-eskasiari aurre eginez.[15][16]

Lanak
  • Sola, Ruta por la Igualdad, (Cabildo de Gran Canaria, 2006).
  • Taller de Felicidad, Claves para Crear la Vida que Quieres (Autoedición en Amazon, 2016).
  • Sola en bici, (Ediciones Casiopea, 2018).
  • Sola en bici, Youtube.com/solaenbici, Canal de Ciclismo SOLAENBICI.

Sariak eta aintzatespenak
  • Mexiko DFko Gazteriaren Institutuaren Diploma, 2015.[1]
  • La Pazeko Nazioarteko Unibertsitatearen aintzatespena, Mexikon, 2015, emakumeen eskubideen alde egindako lanagatik.[1]
  • 40 Años de la Revista Viajar saria.[17][18][19]

Erreferentziak
  1. Perfil de Cristina Spinola en LinkedIn. .
  2. Peiró. Frente a machetes y rifles, una bici. .
  3. Cristina Spínola presenta en Yaiza su obra “Sola” - www.cronicasdelanzarote.es. .
  4. El caso de Cristina Spínola. .
  5. Vuelta a las Islas por la igualdad. .
  6. Recorre el mundo en bici en defensa de los derechos de las mujeres | e-consulta.com 2017. .
  7. Mundo Deportivo.. Cristina Spínola, la primera mujer española que da la vuelta al mundo en bicicleta en solitario.. .
  8. Telemadrid. La Otra.. El Círculo.. .
  9. Antena 3 TV.. La hazaña por la igualdad de Cristina Spínola, la primera mujer en dar la vuelta al mundo en bicicleta.. .
  10. García. 3 años, 28.000 kms y 27 países en bicicleta. .
  11. Cristina Spínola, en El Partidazo de COPE: "En Malasia pasé mucho miedo, llegué a pensar que estaba en mi último día". .
  12. Española recorre el mundo en su bici para lograr la igualdad de genero - mundorutas.com. .
  13. Cristina Spínola, en El Partidazo de COPE: "En mis viajes he descubierto que el mundo no es tan malo como lo pintan". .
  14. Periodista Canaria Cristina Spinola da la Vuelta al Mundo en Bicicleta. .
  15. 45 Días Sola en Kayak por el Mar de Cortés. .
  16. Antena 3 TV Canarias.. Cristina Spínola: una vida de aventuras y premios.. .
  17. Telesur. Madrid.. La Revista Viajar Cumple 40 Años. Gala Entrega de Premios.. .
  18. El Periódico.. La revista 'Viajar' cumple 40 años. .
  19. Revista Viajar.. Viajar Cumple 40 Años.. .

Kanpo estekak

 

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.