Cristina Pizarro

2005ean Atletico Madrilen hasi zen bere ibilbide profesionala eta 4 denboraldi eman zituen, besteak beste, koltxoneroen taldeko lehen mailara igoeraren partaide izanik.[8]

2009an Rayo Vallecanoko taldeak fitxatu zuen eta epealdi hartan, bi liga jarraian (2009/10 eta 2010/11) eta 3 aldiz UEFAko emakumezkoen Txapeldunen Ligan parte hartu zuen.[9]

2013/14an, Ligan Sant Gabriel taldean eta Erreginaren Kopan Rayo Vallecanon jardun eta gero, 2014an Realak bere zelai-erdia sendotzeko fitxatu zuen.[10]

Hasiera hasieratik agerian utzi zuen elitean zuen bere nolakotasuna. Denboraldia hasi berri zegoelarik, Realak Rayo Vallecanoren aurkako partidan, Chini ezkerreko hankako lotailu-haustura izan zuen, eta bolada luzean jokalekutik kanpo egon zen.[11][12]

Talde txuri urdinean hiru denboraldi jardun eta ostean, Realak bere kontratuan berritu zuen 2018/19ra arte.[13]

2008an, Realaren historian lehendabiziz antolatu zen emakumezkoen futbol-partida ofiziala Anoeta zelaian. Jardunaldi hartan , Realak 4 eta 1 galdu zuen Athletic Clubaren aurka. Txuri-urdinen gola “Chini” Pizarrok lortu zuen, Realaren historian, Anoetan gola sartu duen emakumezkoen lehen jokalari bilakatuz.[14][15][16]

2019an, talde donostiarrarekin bere lehenengo Erreginaren Kopa eskuratu zuen, Granadako Los Carmenes zelai berrian, 17.000 ikusleen aurrean.[17][18][19] Denboraldi horretan, taldeko hirugarren kapitaina izan zen, Sandra Ramajo eta Nahikari Garciaren atzetik.

2018/19 denboraldiaren amaieran, Realak bere kontratu ez luzatzea erabaki zuen eta Chinik EDF Logroño taldera joan zen, Gerardo Garciaren gidaritzapean.[20]