Corrib ibaia

Corrib ibaia (irlanderaz Abhainn na Gaillimhe edo Gaillimh) Irlandako mendebaldean kokatzen den ibaia da, Galwayko konderrian hain zuzen ere. Ibai honetan Irlandako ia gehienetan bezala izokinaren arrantzan jardun liteke. Bere iturburua Corrib aintziran dago eta ahoa berrizGalway hiria zeharkatu ostean Galwayko badian, hortaz bere urak Ozeano Atlantikoan isurtzen ditu. Ibaiak aintzira eta itsasoaren artean 6 kilometro luzerako ibilbidea besterik ez du, hortaz Europa osoko ibairik laburrena dela esan liteke.

Corrib ibaia River Corrib (ingeleraz) Abhainn na Gaillimhe (irlanderaz)
Datu orokorrak
Mota	ibai
Luzera	6 km
Geografia
Koordenatuak	53°16′N 9°03′W
Hidrografia
Arroaren azalera	3.101 km²
Lakuak	Corrib aintzira
Bokalea ()	Ozeano Atlantikoa

Bada ibaiaren izen zuzenena Galway ibaia dela defendatzen duenik (irlanderazko Gaillimh izenetik eratorria). Horregatik irlanderaz batzuetan An Ghaillimh ("Galway") deitzen da, baina baita Abhainn na Coiribe ere.

Kondairaren arabera ibai honen izenaren zergatia Gailleamh zenarengatik darama, hau ibai honetan bertan itotako buruzagi baten alaba omen zen. Uste denez, Gaillimh hitzak "Harritsu" esan nahi du, "ibai harritsuaren" zentzuan. Zuzena ez den beste kondaira baten arabera, Galway hiriak izena Gallaibh ("Atzerritarrak") hitzetik hartuko luke, hots, "atzerritarren hiria", halere egiazki Gaillimh izena lehenbizi ibaiari eta ondoren hiriari ezarri zitzaion. Galway hiriaren kokalekuak jatorriz Dún Bhun na Gaillimhe izena zuen, hau da, "Galwayren (ibaia) amaierako hiria". Ibaiak hiriari izena eman zion, eta 1570 urtetik aurrera Galwayko konderriari izena eman zion.

Lough Corrib jatorrizko irlanderazko Loch Coirib aintziraren ingelesera itzulitako izena da.