Consuelo Rumí
Consuelo Rumí, jaiotzaz María del Consuelo Rumí Ibáñez (Almeria, 1957ko urriaren 31) almeriar psikologoa, irakaslea eta politikaria da. 2018ko ekainaren 19tik 2020ko urtarrilaren 30era bitartean, Migrazioen estatu-idazkaria izan zen Lan, Migrazio eta Gizarte Segurantza Ministerioan, Pedro Sánchezen lehen gobernuan.[1]
| Consuelo Rumí | |||||||||
|---|---|---|---|---|---|---|---|---|---|
 | |||||||||
2011ko abenduaren 1a - 2016ko urtarrilaren 13a Barrutia: Almería (en)  Hautetsia: 2011ko Espainiako hauteskunde orokorrak
2008ko martxoaren 25a - 2008ko apirilaren 22a - Ana Cano Díaz → Barrutia: Almería (en) Hautetsia: 2008ko Espainiako hauteskunde orokorrak
2004ko martxoaren 24a - 2004ko apirilaren 30a - César Antonio Rico Ruiz → Barrutia: Almería (en) Hautetsia: 2004ko Espainiako hauteskunde orokorrak
2000ko martxoaren 23a - 2004ko apirilaren 2a Barrutia: Almería (en) Hautetsia: 2000ko Espainiako hauteskunde orokorrak | |||||||||
| Bizitza | |||||||||
| Jaiotza | Almería, 1957ko urriaren 31 (66 urte) | ||||||||
| Herrialdea |  Espainia | ||||||||
| Hezkuntza | |||||||||
| Heziketa | Almeríako Unibertsitatea | ||||||||
| Hizkuntzak | gaztelania | ||||||||
| Jarduerak | |||||||||
| Jarduerak | politikaria | ||||||||
| Lantokia(k) | Madril | ||||||||
| Sinesmenak eta ideologia | |||||||||
| Alderdi politikoa |  Espainiako Langile Alderdi Sozialista | ||||||||
.svg.png.webp){kind=small}
Aurreko gobernuetan Funtzio Publikoko Estatu Idazkaria (2010-2011) eta Immigrazio eta Emigrazioko Estatu Idazkaria izan zen José Luis Rodríguez Zapateroren gobernuan. 2015etik 2018ko ekainera Almeriako Udaleko zinegotzi izan zen PSOE alderdian.
Biografia
Almerian jaioa, Psikologian lizentziaduna (Almeriako Unibertsitatea) eta irakaskuntzako funtzionarioa (1978) da. Hainbat ikastetxetako zuzendaria eta irakasleen prestakuntza ikastaroen koordinatzailea izan da. Langileen Batasun Orokorreko (UGT) aktibista sindikala 1982an sartu zen, eta bere gain hartu zituen, besteak beste, Almeriako FETE-UGT Irakaskuntzako Langileen Federazioko idazkaritza nagusia (1990-1995) edo FETE-UGTko ekintza instituzionaleko idazkaritza federala (1995-1997).
1990ean Espainiako Langile Alderdi Sozialistan (PSOE) sartu zen.
1995etik 1997ra Estatuko Eskola Kontseiluko kide izan zen (1995-1997), eta 1994-1997 bitartean Almeriako Unibertsitateko Gizarte Kontseiluko kide.
Ibilbide instituzionala
2000 eta 2004 bitartean Almeriako diputatu eta PSOEko Politika Sozial eta Migratzaileen idazkari izan zen. Ondoren, Jose Luis Rodriguez Zapatero gobernuaren lehendakaritzara iritsi zenean, PSOEren Gobernuko Inmigrazio eta Emigrazioko Estatu Idazkaritza hartu zuen bere gain, 2004-2008 legegintzaldian, Jesús Caldera Lan eta Gizarte Gaietako Ministerioko buru zela, 2008an Celestino Corbacho ministro gisa hasitako agintaldian karguari eutsiz.[2]
Bere zuzendaritzapean, VIII. legegintzaldiaren hasieran egoera irregularrean zeuden 500.000 etorkinen erregularizazioa egin zen. Herritartasunerako eta integraziorako plan estrategikoa ere garatu zuen, baita kolektibo hori autonomia erkidegoetan eta udaletan integratzeko eta hezkuntza indartzeko funtsa ere. Bestalde, immigrazioari buruzko itun bat adostu zuen sindikatuekin eta ugazabekin.
Itun horretatik Atzerritartasunari buruzko Legea garatzen duen araudia sortu zen eta Saharaz hegoaldeko Afrikako herrialdeekiko harremanen politika berrian parte hartu zuen. Bestalde, atzerritarren bulegoak modernizatzeko plana jarri zuen martxan, eta Emigrantearen Estatutua eraman zuen Legebiltzarrera.[3]
2010eko martxoan, Funtzio Publikorako Estatu Idazkaritza bere gain hartu zuen 2011ko abendura arte. 2015eko udal hauteskundeetan, 4. postuan sartu zen Almeriako alkatetzarako hautagaitza sozialistan, eta Almeriako udalbatzako zinegotzi hautatu zuten 2015/2019 legegintzaldirako. 2018ko ekainaren 15ean dimititu egin zuen, Lan, Migrazio eta Gizarte Segurantza Ministerioan Migrazioen Estatuko idazkari izendatu zutenean. Magdalena Valeriok zuzentzen zuen Pedro Sánchezen gobernu sozialistan.[4][1] Kargu berriarekin egin zituen lehen emanaldietako bat izan zen Aquarius ontzia eta bi ontzi italiar Valentziako portura iristea, arrazoi humanitarioengatik hartu zituzten 629 migratzaile iritsi baitziren.[3]
Consuelo Rumík nabarmendu zuen garapenerako lankidetzarako Europako politika indartua izatea jatorrizko eta igarobideko herrialdeetan garrantzitsua dela.[5] GKEek eta gizarte entitateek migrazioen eguneroko kudeaketan egiten duten lana aitortu zuen.[6] Bestalde etorritako etorkinei gizartearen gaitzen errua botatzea politikoki lotsagabea zela gaineratu zuen.[7]
Erreferentziak
- «BOE.es - Documento BOE-A-2018-8274» www.boe.es.
- Vilaseró, Manel. (15 de junio de 2018). Vuelve Consuelo Rumí, la política regularizó a 500.000 inmigrantes. .
- Consuelo Rumí, nueva secretaria de Estado de Migraciones. 15 de junio de 2018.
- La almeriense Consuelo Rumí, secretaria de Estado de Migraciones. .
- Consuelo Rumí destaca la importancia de una política europea reforzada de cooperación al desarrollo en los países de origen y tránsito. ISSN https://www.inclusion.gob.es/web/guest/w/consuelo-rumi-destaca-la-importancia-de-una-politica-europea-reforzada-de-cooperacion-al-desarrollo-en-los-paises-de-origen-y-transito..
- Consuelo Rumí reconoce la labor de las ONGs y entidades sociales en la gestión diaria de las migraciones. ISSN https://www.inclusion.gob.es/web/guest/w/consuelo-rumi-reconoce-la-labor-de-las-ongs-y-entidades-sociales-en-la-gestion-diaria-de-las-migraciones..
- (Gaztelaniaz) Martín, María. (2018-12-18). «“Culpar a los migrantes de los males de la sociedad es políticamente indecente”» El País ISSN 1134-6582. (Noiz kontsultatua: 2023-03-26).
Kanpo estekak
- Consuelo Rumíri buruzko berriak ELPAIS.com-en
- Consuelo Rumíren ondasunen deklarazioa Diputatuen Kongresuan
- Consuelo Rumíren aurkezpena Almeriako PSOEren orrian
| Autoritate kontrola |
|
|---|
Datuak: Q3296429
Multimedia: Consuelo Rumí / Q3296429