Common Gateway Interface
CGI interfazea (ingelesez, Common Gateway Interface), bezero bat ikusten ari den HTML orri batetik, zerbitzarian exekutatuko den aplikazio bat deitzea ahalbidetzen duen mekanismo bat da . CGI –k web bezero eta programaren artean datuak elkartrukatzeko estandar bat zehazten du.
Aplikazio hauetan, web zerbitzariak, bezeroaren eskaerak kanpo programa bati pasatzen dizkio . Kanpo programa hau, zerbitzariaren sistema eragileak onartzen duen edozein programazio lengoaiaz idatzita egon daiteke. Bezeroari programa honen irteera bidaliko zaio , betiko orrialde estatikoa bidali beharrean.
Ezaugarriak
- NCSA en:National Center for Supercomputing Applications-k garatu zuen.
- Kanpo aplikazio eta informazio zerbitzuen arteko interfazea da.
- Ez da lengoaia, komunikatzeko era/tresna (interfazea) baizik.
- Programa exekutagarri eta web zerbitzari baten arteko komunikazioa ahalbidetzen du.
- Norantz bikoa.
- CGI izena programa exekutagarriari ere esaten zaio.
Informazioaren elkartrukaketa
CGI aplikazio hauei parametroak pasatzeko ‘metodo’ izena duten bi era desberdin daude:
- Get metodoa: Informazioa Eskaera Lerroaren URL eremuari atxikitzen zaio ? marka baten atzean. Aplikazioak inguruko QUERY_STRING aldagaitik irakurriko ditu parametro hauek. Adibidez: www.somesite.com/animalsearch?monkeys&banana.
- Post metodoa: Kasu honetan, informazioa ez da URL –ean joango. Informazioa http mezuaren gorputz barruan joango da. CGI aplikazioak parametroak sarrera estandarraren bidez irakurriko ditu.
CGI aplikazioak irteera estandarraren bidez bidaliko dio informazioa bezeroari. Kodigoaren lehenengo lerroan erantzunaren jarraian datorren informazioaren izaerari buruzko datuak joango dira (erantzukizun hau aplikazioari dagokio). Hau da, datorrena nola interpretatu behar duen adierazten dio.
Adibidez:
- HTML orria: print "Content-type: text/html\n\n"
- Testu orrialde sinplea: print "Content-type: text/plain\n\n"
- Grafikoa: print "Content-type: image/gif\n\n"
