Coláiste na hÉireann

Coláiste na hÉireann (irlanderaz ˈKʊlˠɑːʃtʲə nˠə ˈheːɾʲən̪ˠ ahoskatua; ingelesez: College of Ireland; euskaraz: «Irlandako Ikastetxea») graduondokoak irlanderaz ematen dituen Dublingo unibertsitatea da, itzulpengintzaren eta irlanderaren ikasketetan tituluak eskaintzen dituena. [1][2]

Coláiste na hÉireann
Datuak
Motaunibertsitatea
HerrialdeaIrlandako Errepublika
Erabilitako hizkuntzaIrlandako gaelera
Historia
Sorrera2013

Historia

Gaelchultúr 2004an sortu zen Irlandan kultura eta hizkuntza gaelikoa sustatzeko helburuarekin.[3] Hainbat testuliburu argitaratu eta ikastaroak eman ditu ordutik.[4]

2013an, QQI/HETAC erakunde ofizialak Gaelchultúr-ri aitorpena eman zion hirugarren zikloko hezkuntza-erakunde gisa aritzeko, ofizialki aitortutako tituluak emateko gaitasuna duena, horrela sortu zen Coláiste na hÉireann. Posizio paregabea hartzen du irlanderaren bidez jarduten duen hirugarren zikloko erakunde independente gisa.[5] Hori, Acadamh na hOllscolaíochta Gaeilge-ren bederatzi urte lehenago sortu zela kontuan hartu gabe; akademia hori NUI Galwayren parte da eta, beraz, ez da independentea.[6]

Gaelchultúr erakundea ez zen desagertu Coláiste na hÉireann sortu arte.[7] Hala ere , de facto, funtzionatzen jarraitzen du, bi izenak sinonimotzat hartzen baitira maiz.[2]

Dublingo Clare kalearen ikuspegia; Coláiste na hÉireann ezkerraldean dago.

Ikastaroak

Itzulpengintzako Graduondoko Diploma

Coláiste na hÉireann-ek eskaintzen duen ikastaro nagusia Itzulpengintzako Graduondoko Diploma da (Dioplóma Iarchéime san Aistriúchán; NFQ 9. maila). [8] [9] Hori hiru seihilekotan egiten da ikasketa erdipresentzialaren bidez.[10] Aurrez aurreko saioak hileko larunbat batera mugatuta daudenez, programa honek ez ditu lanaldi osoko lanean ari diren ikasleak baztertzen.[11]

Hiru gai-multzo jorratzen ditu: itzulpengintzaren teoria, hizkuntzaren zehaztasuna eta aberastasuna, eta itzulpen-praktika. Legeen itzulpengintza eta itzulpen-teknologia ere ere irakasten dira. [12]

Lanbiderako Irlanderaren ziurtagiria

Gaelchultúr-ek lanbiderako irlanderaren Ziurtagiria lortzeko ikastaroak eskaintzen ditu (Teastas sa Ghaeilge Ghairmiúil). Hauek hizkuntza maila desberdinetan daude erabilgarri, hasiberritik aurreratuetaraino. Tituluaren kategoria NFQ 3-6 mailen arteko izaten da, hizkuntza mailaren arabera.[13]

Sektore publikoko erakunde askotan Irlanderazko zerbitzuak eskaintzeko dituzten legezko betebeharren eta horietan dituzten benetako gaitasunen artean hutsune nabarmena egoten da. Hutsune hori betetzen laguntzera bideratuta daude ziurtagiri hauek, batez ere.[14] [15]

Lankidetza

"Irlandera aplikatua" masterra

2008ko hasieratik ari da Gaelchultúr kolaboratzen DIT 's Eskolarekin (Hizkuntza-, Lege- eta Gizarte Zientzien Eskola) "Irlandera aplikatua" Masterra kudeatzeko (MA sa Ghaeilge Fheidhmeach). Ikastaroa hainbat urtez eman da. [16] [17]

Erreferentziak
  1. «Oideachas Tríú Leibhéal in Éirinn | An Roinn Cultúir, Oidhreachta agus Gaeltachta» web.archive.org 2019-07-30 (Noiz kontsultatua: 2021-01-21).
  2. «Make yourself employable with a postgrad as Gaeilge» web.archive.org 2019-07-30 (Noiz kontsultatua: 2021-01-21).
  3. «Gaelchultúr - About us» web.archive.org 2019-07-30 (Noiz kontsultatua: 2021-01-21).
  4. «Éamonn Ó Dónaill | CIC» web.archive.org 2019-07-30 (Noiz kontsultatua: 2021-01-21).
  5. «Languages Connect Careers in Government, Politics & EU | CareersPortal.ie» web.archive.org 2019-07-30 (Noiz kontsultatua: 2021-01-21).
  6. (Ingelesez) «Ceannrodaiocht ollscoile agus cumasu pobail» The Irish Times (Noiz kontsultatua: 2021-01-21).
  7. «Gaelchultur Teoranta - Irish Company Info - SoloCheck» web.archive.org 2019-07-30 (Noiz kontsultatua: 2021-01-21).
  8. «GAILEARAÍ: Dioplóma Iarchéime bronnta ag Coláiste na hÉireann/Gaelchultúr ar iarrthóirí ó Thoraigh go Corca Dhuibhne – Tuairisc.ie» web.archive.org 2019-07-30 (Noiz kontsultatua: 2021-01-21).
  9. «Dioplóma Iarchéime san Aistriúchán - Coláiste na hÉireann/Gaelchultúr | Gael Linn» eolaireg.ie (Noiz kontsultatua: 2021-01-21).
  10. «Gaelchultúr - General information about the course» web.archive.org 2019-07-30 (Noiz kontsultatua: 2021-01-21).
  11. «Make yourself employable with a postgrad as Gaeilge» web.archive.org 2019-07-30 (Noiz kontsultatua: 2021-01-21).
  12. «Gaelchultúr - Course modules» web.archive.org 2019-07-30 (Noiz kontsultatua: 2021-01-21).
  13. «PI01825 - QSearch» web.archive.org 2019-07-30 (Noiz kontsultatua: 2021-01-21).
  14. «Gaelchultúr’s Certificate in Professional Irish awarded for the first time in Fingal County Council – Council.ie» web.archive.org 2019-07-30 (Noiz kontsultatua: 2021-01-21).
  15. «Wayback Machine» web.archive.org 2019-07-30 (Noiz kontsultatua: 2021-01-21).
  16. «Languages Connect Careers in Government, Politics & EU | CareersPortal.ie» web.archive.org 2019-07-30 (Noiz kontsultatua: 2021-01-21).
  17. «MA sa Ghaeilge Fheidhmeach / MA in Applied Irish - DIT School of Languages in Dublin - MA sa Ghaeilge Fheidhmeach» web.archive.org 2019-07-30 (Noiz kontsultatua: 2021-01-21).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.