Club de Remo Valle de Camargo

1979an sortu zen eta traineruetan 1984ean egin zuen debuta Pedreñan jokaturiko Memorial Bedia estropadan 3. gelditu zelarik. 1985ekoa du lehenengo garaipena, Gozón Udaleko Banderan, Asturiasen. 1999 urterarte urtero uretaratu zuen trainerua (1989an ezik), baina arraunlari eskasia dela eta hurrengo hiru denboralditan uretatik kanpo egon zen.

2003tik aurrera Federazioaren B Ligan lehenengo eta KAE Ligan ondoren egon izan da baina 2010an egindako denboraldi ikusgarriak (KAE Ligan 2. eta sei bandera irabazita) TKE Ligarako txartela eman zion. Urte bakarra egin zuen goren mailan. 2013an KAE Ligako azken postuan bukatu du eta bigarren mailara jeitsi da. Honek babesle nagusia galtzea eragin zion eta diru kontuak egoki zituen arren 2014rako trainerua lehorrean utzi eta harrobia lantzen zentratzea erabaki zuen[1].

2016an uretara itzuli zen, KAE Ligako bigarren mailan, eta zazpigarren postuan amaitu zuen. 2018an mailaz igotzea lortu zuen eta hurrengo urteetan KAE 1 Ligako erdiko txandan aritu da. 2021. denboraldian jaitsiera play-offak jokatu beharko ditu.

Kantabriarren arteko estropadatan bigarren trainerua atera duenetan "Remo Bahía" izena erabili du.

2017an lehen estropada jokatu zuen Sotileza Banderan eta garaipena eskuratu zuen. 2018an ere estropada bera irabazi zuen. Ez du ordea Ligan parte hartu.

Camargok urtero Camargoko Bandera antolatzen du.