Claudio Rodríguez

Claudio Rodríguez
	;
Bizitza
Jaiotza	Zamora, 1934ko urtarrilaren 30a
Herrialdea	Errumaniako Erresuma
Heriotza	Madril, 1999ko uztailaren 22a (65 urte)
Hezkuntza
Heziketa	Salamancako Unibertsitatea
Hizkuntzak	gaztelania
Jarduerak
Jarduerak	poeta eta unibertsitateko irakaslea
Jasotako sariak	ikusi Adonáis Olerki Saria ; Espainiako Poesia Sari Nazionala ; Princess of Asturias Literary Prize (1993) ;
Kidetza	Real Academia Española; Real Academia Galega
Mugimendua	1950eko belaunaldia
Genero artistikoa	olerkigintza

Claudio Rodríguez García (Zamora, 1934ko urtarrilaren 30a - Madril, 1999ko uztailaren 22a) espainiar idazlea izan zen.

Claudio Rodríguez

Biografia

Filologia Erromanikoko lizentziaduna zen, eta gaztelaniako irakasle gisa lan egin zuen Ingalaterrako zenbait unibertsitatetan. 1953an, Don de la ebriedad eman zuen argitara, eta Adonáis Olerki Saria eman zioten. Obra hori da, hain zuzen ere, Claudio Rodríguezen lan nagusietako bat. Aipagarriak ditu, orobat, Conjuros (1958), Alianza y condena (1965) eta El vuelo de la celebración (1976) olerki-liburuak, zeinak eman baitzioten Espainiako XX. mendearen bigarren erdialdeko olerkari onenaren izena. Rodríguez izan zen Luis Cernudaren eraginpean sorturiko eta hasieran batez ere konpromiso sozial nabarmena erakutsi zuen 50eko Belaunaldiko olerkari gailenetako bat, esaldien originaltasunagatik eta mundu mitiko bereziagatik. 1983an argitaratu zuen Desde mi palabra, bere obra osoa biltzen duena, eta Espainiako Literaturako Sari Nazionala eskuratu zuen hari esker. Sariei dagokienez, aipagarriak ditu Espainiako Poesia Sari Nazionala (1983) eta Letretako Asturiasko Printzearen saria (1993). 1987an, Real Academia Españolako kide hautatu zuten. 1991n, Casi una leyenda olerki-liburua eman zuen argitara.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Gaztelaniaz) Claudio Rodríguezen web-orria

Datuak: Q3753452

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.