CiNii

CiNii Aipu eta erreferentzia bibliografikoak edo bibliografia datu-base japoniarra da. Zerbitzuak Japonian argitaratutako japonierazko zein ingelesezko erreferentziak biltzen ditu.[1]

Logoa.

Ezaugarriak

Zerbituza doakoa da eta liburuak, artikuluak eta hitzaldiak bilatzeko aukera ematen du. Datu basea 2005ko apirilean sortu zen eta haren funtzionamenduaren ardura National Institute of Informatics erakundearen eskuetan dago. Bilaketen zerbitzuaren mantenimendua NII-k berak darama eta, halaber, beste erakundeenak koordinatzen ditu, esaterako Dietako Liburutegi Nazionalarena.[2]

Edukiak

Datu baseak 7.000 publikazioen 17 milioi artikulu jaso ditu. Hilabetero, 2012ko datuen arabera, 30 milioi inguru sarrera jasotzen ditu ditu eta 2,2 milioi bisitari. Beraz, Japoniako horrelako datu-base handiena eta osatuena da. Basea gai askotarikoa da baina jasotzen dituen kontsulta gehienak gizarte-zientzietakoak dira, agian, CiNii horrelako datu-mota biltzen dituen base bakarra delako; natur-zientziak, medikuntzarekin lotutako gaiak edo zientzia formalak aztertzeko badira beste datu-baseak.[2]

Identifikatzaileak

Datu-baseak aldizkarien artikuluen sarrerei identifikatzaile bakarra ezartzen die, NII Article ID (NAID). Liburuekin beste identifikatzaile erabiltzen du, NII NACSIS-CAT ID (NCID).

Erreferentziak
  1. http://support.nii.ac.jp/en/cinii/cinii_outline
  2. https://support.nii.ac.jp/en/news/cinii/20170220

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.