Christy Moore

Christopher Andrew Moore (Newbridge, Kildareko konderria, Irlandako Errepublika, 1945eko maiatzaren 7a) irlandar musikari, kantautore eta abeslaria da. Dónal Lunny, Andy Irvine eta Liam O'Flynn musikariekin batera Planxty talde ospetsua osatu zuen. Moving Hearts taldeko kidea ere izan da, eta bakarka ere abestu izan ohi du. Pentsaera edo ideologiaz Irlandako mugimendu errepublikarraren ezker muturrean kokatu izan ohi da.

Christy Moore
Irudi gehiago
Bizitza
Jaiotza	Newbridge, 1945eko maiatzaren 7a (78 urte)
Herrialdea	Irlandako Errepublika
Familia
Anai-arrebak	ikusi Luka Bloom (en)
Hezkuntza
Heziketa	Newbridge College (en)
Jarduerak
Jarduerak	abeslaria, kantugilea, musikaria, gitarra-jotzailea eta estudioko musikaria
Kidetza	Planxty
Genero artistikoa	musika zelta
Musika instrumentua	gitarra ahotsa
christymoore.com

Berak idatzi eta konposaturiko abesti ezagunenen artean Viva la Quinta Brigada dago, Espainiako Gerra Zibilan zehar borrokatu zuten irlandarren nondik-norakoak kontatu eta haien omenez eginiriko abestia.

Era berean, Moving Hearts taldearen lehen diskoan (1981) "If They Come in the Morning" grabatu zuten, "No Time for Love" izenarekin ere ezaguna. Jack Warshawek 1976ean konposaturiko protesta kantu hau oso ezaguna bihurtu zen Euskal Herrian, Hertzainak taldeak "Salda Badago" diskan (1988) grabatu zuelako.