Charlotte Berend-Corinth

Charlotte Berend-Corinth
	; (1902) Irudi gehiago
Bizitza
Jaiotza	Berlin, 1880ko maiatzaren 25a
Herrialdea	Alemania
Heriotza	New York, 1967ko urtarrilaren 10a (86 urte)
Familia
Aita	Ernst Berend
Ama	Hedwig Berend
Ezkontidea(k)	Lovis Corinth (1903ko martxoaren 26a -
Seme-alabak	ikusi Wilhelmine Corinth; Thomas Corinth (en) ;
Anai-arrebak	ikusi Alice Berend (en) ;
Hezkuntza
Hizkuntzak	alemana
Jarduerak
Jarduerak	margolaria eta modeloa
	Parte-hartzailea 1932ko Udako Olinpiar Jokoak ;
Kidetza	Berlin Secession (en)
Izengoitia(k)	Behrend, Charlotte, Corinth, Charlotte Berend?, Berend-Corinth, Charlotte eta Corinth, Mrs. Lovis?

Charlotte Berend edo Charlotte Berned-Corinth (Berlin, 1880ko maiatzaren 25a - New York, 1967ko urtarrilaren 10a) alemaniar margolaria eta Berlingo Sezesioko partaidea. Senarra Lovis Corinth margolaria izan zen.

Bizitza

Charlotte Berendek arte eder ikasketak Berlingo Errege Arte Eskolan egin zituen, baita Berlingo Kunstgewerbemuseumen ere; bertan irakasle Eva Stort eta Max Schäfer izan zituen. 1901 urtean Lovis Corinth margolariak ireki berri zuen eskola pribatuan lehendabiziko ikasle izan zen eta elkarrekin maitemindu ziren. Hala bada, Lovisen margoen modelo izan zen eta 1903 urteko martxoaren 26an ezkondu egin ziren. Urte bereko urriaren 13an Thomas Corinth semea jaio zen eta 1909. urteko ekainaren 13an, Wihelmine alaba.

1906. urtean Berlingo Sezesioan bere margolanak aurkeztu zituen. 1912 urtean Sezesioko kide egin zen, senarra mugimenduko buru bihurtu zen garaian. Hainbat ilustrazio liburu margotu zituen, besteak beste Max Pallenberg, Fritzi Massary, eta Valeska Gert artistentzat, eta bestalde, Michael Bohnen, Werner Krauss, Paul Bildt eta Paul Graetz aktoreentzat erretratuak margotu zituen .

1919. urtean Lovis Corinthek Walchenseeko Urfelden etxe bat erosi, bertara joan eta emaztearekin batera Berlingo bizitza alde batera utzi zuten. Hemen Charlottek paisaiak, erretratuak eta izadi hilak margotu zituen.

1925. urtean Herbehereetarako bidaia batean senarra pneumonia batek jota hil egin zen.

1933. urtean Amerikako Estatu Batuetara emigratu zuen, non Thomas semea jada bizi zen.

1958. urtean, senarraren margolanen bildumaren liburu bat argitaratu zuen.

1967. urteko urtarrilak 10ean hil egin zen.

Iturriak

Pfefferkorn, Rudolf (1972). Hil Berliner Anaiei. Eine Epoche deutscher Kunstgeschichte. Berlin: Haude & Spenersche Verlagsbuchhandlung
Korintoko, L., Schuster, P.-K., Vitali, C., & Butts, B. (1996). Lovis Korintoko. Munich: Prestel. ISBN 3-7913-1682-6

Datuak: Q215045
Multimedia: Charlotte Berend-Corinth / Q215045

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.