Zestodo

Zestodoak (Cestoda) platihelminteen filumeko zenbait animalia metazooez esaten da. Animalia bizkarroiak dira, ugaztunen barrunbeetan bizi direnak. Egituraz luzexkak dira, digestio-aparaturik gabeak.

Zestodo
270 Ma-0 Ma[1]

Sailkapen zientifikoa
ErreinuaAnimalia
AzpierreinuaEumetazoa
FilumaPlatyhelminthes
Klasea Cestoda
Rudolphi, 1808
Azpibanaketa
Cestodaria azpiklasea
  • Amphilinidea
  • Gyrocotylidea

Eucestoda azpiklasea

  • Aporidea
  • Caryophyllidea
  • Cyclophyllidea
  • Diphyllidea
  • Lecanicephalidea
  • Litobothridea
  • Nippotaeniidea
  • Proteocephalidea
  • Pseudophyllidea
  • Spathebothriidea
  • Tetraphyllidea
  • Trypanorhyncha

Zestodoak digeritzen hasitako elikagaiez inguratuta egoten dira digestio-aparatuan, eta beren gorputz-azal guztitik elikadura xurgatzeko gai dira. Gorputza buruaz, heltzeko kakoez eta arraren eta emearen ugal sistemak dituzten eraztunez edo segmentuz eratua dute. Zestodoen bizitza-zikloan bi ostalari behar dira, lehenengoa bigarrenaren harraparia, jalea, izan ohi delarik. Segmentu helduak, milaka arrautza ernaldu dituztela, gorotzetan ateratzen dira lehenengo ostalariaren gorputzetik; arrautzetatik enbrioiak ernetzen dira, gero larba bihurtu eta bigarren ostalariaren hesteetan bizkarroi bihurtzen dira. 13 ordena bereizten dira zestodoen artean: tetrafilidoak, ziklofilidoak eta nipoteniidoak, besteak beste. Tenia da klase honetako animaliarik ezagunena.

Erreferentziak


Kanpo estekak
  1. «Tapeworm Eggs Discovered in 270-Million-Year-Old Fossil Shark Feces» ScienceDaily 2013-1-30.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.