Castrapo

Castrapo Galizian galizieraren eragina duen gaztelaniaren aldaera bati ematen zaion izena da. Castrapoaren ezaugarri da gaztelaniazko egiturako esaldietan galizierazko hitz nahiz esamoldeak sartzea. Arruntkeriatzat hartzen da eta hirietan, hots, galizierak egoera ahulena duen esparruetan, hedatuagoa da, bestelako inguruetan baino.

Hona castrapoaren adibide bat: Pecha la ventana: esaldi horretan, gaztelaniazko Cierra la ventana eta galizierazko Pecha a fiestra nahasten dira.

Horretaz gain, erreintegrazionista deitutako sektoreek (galizieraren eta portugesaren arteko harremana azpimarratzen dutenek), egungo galizieraren araudia gutxiesteko, castrapo esaten diote galizieraren araudi ofizialari[1].

Erreferentziak
  1. José Luis Valinha Reguera: O contacto entre Línguas O crioulo e o "castrapo": Especial Referência ao caso da Galiza, Associaçom Galega da Línguaren webgunea. 16. orr.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.