Cartas marruecas

Cartas Marruecas
	Liburuaren 1796ko edizioa
Datuak
Idazlea	José Cadalso (1774)
Argitaratze-data	1789 (entregaka El Correo de Madrid egunkarian) 1793 (Sanchako inprentan)
Generoa	Gutun-eleberria
Jatorrizko izenburua	Cartas Marruecas
Hizkuntza	Gaztelera
Herrialdea	Espainia
Orrialdeak	90 gutun

Cartas marruecas (euskaraz: marokoar gutunak) José Cadalso espainiar idazlearen gutun nobela bat da. Nobela protagonistek elkarri bidalitako gutunez osatzen da, 90 gutun inguru dituelarik. Hauen bitartez, egileak garaiko Espainiako gizartearen kritika zorrotza egiten du, noblezia, hitzartutako ezkontzak eta baita beste hainbat kontzeptu kritikatuz.

Pertsonaiak

Pertsonaia nagusiak hiru dira: Gazel, Ben-Beley eta Nuño. Lehenengo biak atzerritarrak dira, marokoarrak, zehazki. Gazel Espainiara heldutako enbaxadorea da, eta Ben-Beley Marokon geratu den bere maisua. Nuño, berriz, espainiarra eta kristaua, Gazelen laguna eta gida espainiar gizartean. Cadalsok bi marokoarren ikuspuntua erabiltzen du, aurreiritzirik gabea, Espainiako gizartea eta bere ohiturak kritikatzeko.

Edukiak

Gutun gehienak Gazelek Ben-Bely-ri bidalitakoak dira, nahiz eta badauden Ben-Beley-ek Gazeli, honek Nuñori eta Nuñok Gazel eta Ben-Beleyri idatziak daudenak. Gutun gehienetan, Gazelek bere maisuari espainiar ohiturak kontatzen dizkio, askotan zentzugabeak iruditzen zaizkionak. Zerbait ulertzen ez duenean, bere lagun Nuñori eskatzen dio azaltzeko, baina azkenean, hau ere ohitura edo kontzeptu zentzugabea dela konturatzen da.

Kanpo estekak

Datuak: Q1045762
Multimedia: Cartas marruecas / Q1045762

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.