Canadian Pacific Railway

Canadian Pacific Railway 1 motako trenbide-sare bat da (Kanadan 250 milioi dolarretik gorako irabaziak izan dituela esan nahi du mota horrek), CP Rail izenez ezagutzen zena 1968 eta 1996 artean. Canadian Pacific Railway Limitedek operatzen du. Canadian Pacific Railwayk nazionalismo kanadarraren ikono eztabaidaezina izaten jarraitzen du.[1]

Canadian Pacific Railway
Canadian Pacific Kansas City
Kokapena
Estatu burujabe Kanada
Historia eta erabilera
Irekiera1881
Inaugurazioa1881
Suntsipena2023ko apirilaren 13a
Ordezkatzen duSoo Line Railroad (en) Itzuli
Trenbidea
Bide-zabalera1435 mm-ko trenbidea
Webgune ofiziala

    Bere trenbide sarea Vancouverretik Montrealeraino hedatzen da, Estatu Batuetako hiri garrantzitsu batzuk estaltzeaz gain, hala nola Minneapolis, Chicago eta New York. Calgaryn (Alberta) du egoitza nagusia.

    Historia

    Trenbide sarea, jatorriz, Kanadaren ekialdeko zatiaren eta Columbia Britainiarraren artean eraiki zen 1881 eta 1885 bitartean, 1871n Konfederazioan sartu zenean bigarrenari emandako hitza betetzeko. Kanadako lehen trenbide transkontinentala izan zen.

    Gaur egun, funtsean, merkantzientzako trenbidea da; hala ere, bi hamarkadatan Kanadako eskualde gehienetan bidaiarientzako distantzia luzeko garraiorako bitarteko eraginkor bakarra izan zen. Giza kokalekuak ezartzeko eta Kanadako mendebaldeko garapenerako erabakigarria izan zen. Bidaiariak garraiatzeko zerbitzu gehienak 1986an ezabatu zituzten, 1978an VIA Rail Canada enpresak erosi ondoren.

    1960ko hamarkadan, konpainiak dibertsifikazio-politika bati ekin zion baliabide naturalen (petrolioa, mineralak, egurra) eta horien eraldaketen arloan. Prozesu horren ondorioz, taldea berregituratu egin zen, eta 1971n Canadian Pacific Limited izena jarri zioten. 2023ko apirilaren 14an, CPKC eta Kansas City Southern konpainiaren fusioa onartu zen eta, ondorioz, Canadan Pacific desagertu egin zen enpresa berria sortzeko.[2]

    Ikurra

    Kastore bat aukeratu zen trenbiderako ikurra izateko, Kanadako ikur nazionaletako bat delako eta konpainiaren izaera arduratsua adierazten duelako.

    Iruditegia
    • Burdinbidearen lanak 1881an.
      Burdinbidearen lanak 1881an.
    • Kontinentez gaindiko trena da.
      Kontinentez gaindiko trena da.
    • Canadian Pacific Railway konpainiaren 5068 lokomotora Leanchoilen.
      Canadian Pacific Railway konpainiaren 5068 lokomotora Leanchoilen.
    • Fraser ibaia Columbia Britainiarrean.
      Fraser ibaia Columbia Britainiarrean.

    Erreferentziak
    1. https://www.royalcanadianpacific.com
    2. https://www.enciclopedia.cat/cerca/gec?search_api_fulltext=Canadian+Pacific+Railway&field_faceta_cerca_1=All

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.