Calabria

Calabria[1] (italieraz: Calabria; napolieraz: Calavria; grekokalabreraz: Calavría; grezieraz: Καλαβρία; arbëresheraz: Kalavrì) hegoaldeko Italiako eskualdea da, Jonikoaren eta Tirreniar itsasoaren artean dagoena. 15.221,9 km²ko eremua du eta 2015eko uztailean 1.972.660 biztanle zituen[2]. Hiriburua Catanzaro da.

Calabria
Administrazioa
Estatua Italia
HiriburuaCatanzaro
ProbintziakCatanzaro
Cosenza
Crotone
Reggio Calabria
Vibo Valentia
Udalerriak409
Geografia
Koordenatuak39°00′N 16°30′E
Azalera15.221,9 km²
Demografia
Biztanleria1.972.660 biztanle (2015-07-31)
Dentsitatea129,59 bizt/km²
http://www.regione.calabria.it/

Historia

K.a. VIII. mendean kolonizatu zuten greziarrek Calabria. Magna Graecia koloniako lurralde izan zen, K.a. III. mendean erromatarrek konkistatu zuten arte. Harrezkero bizantziarrek, lonbardiarrek, normandiarrek, aragoiarrek eta Borboikoek izan zuten Calabria beren mende. 1860. urtean lotu zitzaion Italiako Erresumari. Lurrikara handiak izan dira Calabrian; 1783. urtekoan 40.000 izan ziren hildakoak.

Probintziak

Hizkuntzak

Italiera eta napoliera edo calabriera dira mintzaira nagusiak, eta okzitaniera-hiztunen uharte bat bada La Gardia udalerrian.

Calabriako beste hizkuntza-uharteak grikoa zein arbëreshera mintzatzen dutenek osatzen dituzte.

Ekonomia

Euri ezak nekazaritzaren garapena eragozten du. Industriak ez du garrantzi handirik. Calabria Italiako lurralde pobreena da; langileriaren herenak ez du lanik, eta errenta maila Italiako apalena da.

Erreferentziak
  1. Euskaltzaindia. (2008-05-30). 154. araua: Europako eskualde historiko-politiko nagusiak. .
  2. Bilancio demografico anno 2015 (dati provvisori). Regione: Calabria demo.istat.it

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.