CIAM

C.I.A.M. (frantsesezko Congrès International d'Architecture Moderne, "Arkitektura Modernoaren Nazioarteko Biltzarra") 1928an sortua eta 1959an desegina, arkitekto modernoen nazioarteko biltzar batzuen seriea izan zen.

11. eta azken CIAM biltzarreko irudia (Otterlo, 1959).

Sorrera eta kideak

Arkitektura Modernoaren Nazioarteko Biltzarra (CIAM) 1928ko ekainean sortu zen, Suitzako Château de la Sarraz gazteluan. 28 arkitekto europarrek osatzen zuten talde sortzailea, eta Le Corbusier, Hélène de Mandrot (gazteluaren jabea) eta Sigfried Giedionek antolatu zuten. CIAM izan zen XX. mendeko hainbat manifestuetatik bat, 'arkitektura arte sozial' bezala indartzeko asmoa zuena.

Sortzaileen artean hauek ere zeuden:

Karl Moser (lehen presidentea)
Hendrik Berlage
Victor Bourgeois
Pierre Chareau
Josef Frank
Gabriel Guevrekian
Max Ernst Haefeli
Hugo Häring
Arnold Höchel
Huib Hoste
Pierre Jeanneret (Le Corbusieren lehengusua)
André Lurçat
Ernst May
Fernando García Mercadal
Hannes Meyer
Werner Moser
Carlo Enrico Rava
Gerrit Rietveld
Alberto Sartoris
Hans Schmidt
Mart Stam
Rudolf Steiger
Szymon Syrkus
Henri-Robert Von der Mühll
Juan de Zavala

Ordezkari sobietarrak El Lisitzki, Nikolai Kolli eta Moisei Ginzburg izatekoak ziren, nahiz eta ezin izan ziren lehen bilerara agertu atzerrira joateko baimenik lortu ez zutelako.

Ondorenean, 1929an, beste hainbat kide batu ziren Alvar Aalto, Uno Åhrén, Louis Herman De Koninck, Fred Forbat besteak beste.

1941an, Harwell Hamilton Harris amerikar atalaren idazkaritzat hautatua izan zen.

Eragina

Erakundeak oso eragin handia izan zuen. Ez zen arduratu bakarrik Mugimendu Modernoaren arkitektura printzipioak definitzeaz. Arkitektura mundua hobetzeko gai den tresna ekonomiko eta politikotzat ikusi zuten, bai eraikinen diseinuaz bai hiri planeamenduaz.

CIRPAC

CIAM taldeak aukeratutako batzorde eragilea zen CIRPAC Comité International pour la Résolution des Problèmes de l’Architecture Contemporaine (Arkitektura Garaikideko Arazoak Konpontzeko Nazioarteko Komitea).

Biltzarrak

CIAM eratu zuten konferentziak hauek dira:

1928, CIAM I, La Sarraz, Suitza, CIAMen sorrera
1929, CIAM II, Frankfurt, Alemania, Etxebizitza minimoaz.
1930, CIAM III, Brusela, Belgika, Lurzoruaren eraldapen arrazionalaz (Rationelle Bebauungsweisen)
1933, CIAM IV, Atenas, Grezia, Hiri funtzionalaz (Die Funktionelle Stadt); Atenasko Agiriaren argitalpena.
1937, CIAM V, Paris, Frantzia, Etxebizitza eta aisiaz
1947, CIAM VI, Bridgwater, Ingalaterra, Hirien berreraiketaz
1949, CIAM VII, Bergamo, Italia, Artea eta arkitekturaz
1951, CIAM VIII, Hoddesdon, Ingalaterrea, Hiriaren bihotzaz
1953, CIAM IX, Aix-en-Provence, Frantzia, Abitatzeaz
1956, CIAM X, Dubrovnik, Jugoslavia, Abitatzeaz
1959, CIAM XI, Otterlo, Herbehereak, CIAMaren desegite antolatua eta Team Xaren sorrera.

Ikus, gainera

Kanpo estekak

Datuak: Q727738
Multimedia: Congrès International d'Architecture Moderne / Q727738

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.