Bushido
Bushido (japonieraz: 武士道 Bushidō, euskaraz: "gerlariaren bidea") antzinako Japoniako samurai edo gudariek zuten ohore-kode zorrotza da. Honako hauek ziren kodearen ezaugarri nagusiak: samurai batek ez ditu bi nagusi izan behar, ez ditu bi hitz izan behar eta ez du zalantzarik izan behar bere bizia emateko. Gaur egun, Japoniako gudu-arte guztiak batzen dituen espiritu bera edo estilo bera hartzen da halakotzat: gudu-arte horiek bushidoaren adar dira. XX. mendearen hasieran, Japoniako agintariek ahaleginak egin zituzten bushidoaren espiritua herrian zabaltzeko.
Japoniar samurai, 1860ko hamarkadan. Felice Beatoren argazkia
Bushidōren bertuteak
Bushidō kodeak zazpi bertute ditu:
- zuzentasuna (japonieraz: 義 gi)
- adorea (japonieraz: 勇氣 yūki)
- karitatea (japonieraz: 仁 jin)
- begirunea (japonieraz: 禮 rei)
- zintzotasuna (japonieraz: 誠 makoto)
- ohorea (japonieraz: 名誉 meiyo)
- leialtasuna (japonieraz: 忠義 chūgi)
Gainera badaude hiru bertute loturik:
- errukia (japonieraz: 孝 kō)
- jakinduria (japonieraz: 智 chi)
- agureekiko errespetua (japonieraz: 悌 tei)
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.