Burdinezko Mozorrodun Gizona

Burdinezko Mozorrodun Gizona (frantsesez: L'Homme au Masque de Fer; 1640-1703) 1669 edota 1770ean "Eustache Dauger" izenpean atxilotua eta Frantziako hainbat espetxeetan preso eduki zuten, tartean Bastilla, gizonak jasotako ezizena da. Espetxealdi osoan inork haren aurpegirik ikus ez zezan belusezko mozorro batez estali zioten eta espetxezainekin mintzatzea edo edozein kontaktu izatea, jatekoa jasotzeko ez beste, guztiz debekaturik zuen. Kondairaren arabera burdinezko mozorroa omen zen.

Burdinezko Mozorrodun Gizona
Datu biografikoak
Jaiotza, 1640(e)ko hamarkada
HeriotzaParis, 1703ko azaroaren 19a
HerrialdeaFrantziako Erresuma
Sexuagizonezkoa
JardueraPresoa

Literatura

Frantzian XVIII. mendetik oso errotua dagoen kondaira da, jada Ilustrazio garaian Voltairek bere Luis XIV.aren mendea idazlanean haren lehen aipamena egin zuen. Ondorengo idazlanek kondaira Frantziatik kanpo ezagutzera ematen lagundu zuten, tartean, XIX. mendean Alexandre Dumas idazlearen Bragelonneko bizkondea eleberrian gai hau jorratzen da. Idazlearen arabera, "burdinezko mozorrodun gizona" ziurrenik Luis XIV.a Frantziakoaren anai bikia litzateke, haren tronurako oinordekotzan oztopoa litzaketenez, denen bistatik hil gabe erditik kendua izana.

Zinema

Literaturaz gain, XX. mendetik aurrera zinemak ere mundu osoan kondairaren hedapen eta ezagutzera ematean asko eragin izan du, gaia zuzenean edo zeharka ukitu duten film ugari butu izan baitira.

UrteaFilmaZuzendariaAktoreaHerrialdea
1998The Man in the Iron MaskRandall WallaceLeonardo DiCaprioAEB
1977The Man in the Iron MaskMike NewellRichard ChamberlainErresuma Batua
1962Le masque de ferHenri DecoinJean MaraisFrantzia/Italia
1960La máscara de hierroJoselito RodríguezLuis AguilarMexiko
1943El hombre de la máscara de hierroMarco Aurelio GalindoJosé CibriánMexiko
1939The Man in the Iron MaskJames WhaleLouis HaywardAEB
1929The Man in the Iron MaskAllan DwanWilliam BakewellAEB

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.