Burdina gori

Burdina goria[oh 1] abereak, zura, edo larrua markatzeko tresna da. Sinbolo edo hizki zehatz baten irudia muturrean duen burdina sutan gorituz gero, eta hura ezarri larru edo azalera jakin batean, marka iraunkor ezabaezin bat uzten du.

Gorituta abereak markatzeko burdinak, Nafarroako Erresumako Museo Etnografikoan.
Texasko Mitchell konderriko ganaduzaleen markak.

Abereen kasuan, jabetza zehazteko metodoa da, abeltzain bakoitzak, jabe bakoitzak, bere marka berezkoa ezarri ohi duenez burdina goriarekin.

Gizakiei ere aplikatu izan zaie esklabotzan.

Oharrak
  1. Tradizioan burdina gori forma ez ezik burdin gori forma ere erabili den arren,[1] egungo euskara batuan burdina izenak ez du bukaerako -a galtzen adjektiboen ezkerrean doanean. Hartara, euskara baturako arau-emailea den Euskaltzaindiaren Hiztegian, «Burdina goriz erre» ageri da, burdina izenaren erabileraren adibideen artean.[2]

Erreferentziak
  1. «burdina» Orotariko Euskal Hiztegia (Noiz kontsultatua: 2020-06-24).
  2. «burdina» Euskaltzaindiaren Hiztegia (Noiz kontsultatua: 2020-06-24).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.