Buranovskie Babuxki

Buranovskie Babuxki taldea Udmurtiako Buranovo herrian sortu zen. 2010erako taldekideen batez besteko adina 70 urtekoa zen. Errepertorioaren oinarria udmurterazko abesti herrikoiak dira[3].

Lehen aldiz, taldea hasi zen abeslari ospetsuen abestien udmurterazko bertsioak egiten 2008an, Udmurtiako Estatuko Filarmonikoan Ama Hizkuntzaren Egunaren ospakizunean Boris Grebenstxikov eta Viktor Tsoiren abestiak udmurteraz abestu zituztenean. Harrezkero, behin eta berriz, prentsan eta telebistan arreta-objektu bihurtu ziren[4][5][6][7].

2012an Errusia Eurovision Abesti Lehiaketan ordezkatu zuten Bakun Party for Everybody abestiarekin. Udmurteraz eta ingelesez abestu zuten eta bigarren postuan gelditu ziren[1][2].

2014ko urtarrilaren 2an, Sotxiko Olinpiar Jokoetako zuzi-erreleboko eramaileetako bat Galina Koneva izan zen, Buranovskie Babuxki taldeko 75 urteko kidea[8].

2014an, Ksenia Rubtsova ekoizleak jatorrizko kideen kontratua amaitu zuen eta 8 kide berri kontratatu zituen, besteak beste, Anna Prokopieva, Jekaterina Antonova eta Valentina Serebrennikova. Kide berriak Udmurtiako hainbat herritakoak dira[9].

2016an Joensuuko (Finlandia) Laula kanssain musika jaialdian aritu ziren[10].

• Alevtina Begiveva (j. 1958)[11]
• Grania Baisarova (j. 1949)[11]
• Galina Koneva (j. 1938)[11]
• Jekaterina Xkliaieva (j. 1937)[11]
• Jelizaveta Zarbatova (1927–2014)[11][12]
• Natalia Pugatxova (1935–2019)[11][13]
• Olga Tuktareva (j. 1968)[11]
• Valentina Piatxenko (j. 1937)[11]
• Zoia Dorodova (j. 1940)[11]