Buddy Buddy
Buddy Buddy (euskaraz Motel Motel), 1981eko Billy Wilder austriar-estatubatuarrak zuzendutako komedia film bat da. L'emmerdeur (1973) filmaren berregokitzapena da, eta hura era berean Francis Veber frantziar idazlearen Le contrat (1971) antzezlanean oinarritua dago. Jack Lemmon, Walter Matthau, Paula Prentiss, Klaus Kinski, Dana Elcar, Miles Chapin, Ed Begley Jr. eta Michael Ensign aktoreek antzeztu zuten. Lalo Schifrinek soinu banda konposatu zuen.
| Buddy Buddy | |
|---|---|
| Jatorria | |
| Argitaratze-data | 1981 |
| Izenburua | Buddy Buddy |
| Jatorrizko hizkuntza | ingelesa |
| Jatorrizko herrialdea | Erresuma Batua eta Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | Buddy filma |
| Iraupena | 92 minutu |
| Kolorea | koloretakoa |
| Deskribapena | |
| Oinarritua | L'emmerdeur (en)  |
| Zuzendaritza eta gidoia | |
| Zuzendaria(k) | Billy Wilder |
| Gidoigilea(k) | Billy Wilder I. A. L. Diamond Francis Veber |
| Antzezlea(k) | |
Jack Lemmon Walter Matthau Paula Prentiss (en) Klaus Kinski Dana Elcar Joan Shawlee Ed Begley, Jr. Charlotte Stewart Michael Ensign Neile Adams (en) | |
| Ekoizpena | |
| Ekoizlea | Charles Matthau |
| Konpainia ekoizlea | Metro-Goldwyn-Mayer |
| Ekoizpen-diseinatzailea | Daniel A. Lomino (en) |
| Bestelako lanak | |
| Musikagilea | Lalo Schifrin |
| Argazki-zuzendaria | Harry Stradling |
| Fikzioa | |
| Kontakizunaren tokia | Kalifornia |
          | |
Billy Wilderrek zuzendutako azken filma izan zen.
Argumentua
Trabucco (Walter Matthau) hiltzaile profesionala uharte paradisiako batera erretiratzear da, baina aurrez bere azken lana burutu beharko du: federalen kasu bateko hiru lekukoak hiltzea. Horretarako Kaliforniako Riverside udalerrian estrategikoki kokatutako Ramona Hotelean ostatu hartuko du, baina Victor Clooneyk (Jack Lemmon) hotel berdinean ostatu hartzean gauzak nahastu egingo dira, bere emazteak sexologo batengatik utzi berri duen lurjotako gizaseme atsekabetua. Baina Trabucco bere egitasmoa burutzear den unean, Victorrek bere logelan buruaz beste egiten saiatu eta dena galbidean jarriko du.
Aktoreak
- Jack Lemmon: Victor Clooney
- Walter Matthau: Trabucco
- Paula Prentiss: Celia Clooney
- Klaus Kinski: Hugo Zuckerbrot doktorea
- Dana Elcar: Hubris kapitaina
- Miles Chapin: Eddie, hoteleko mandataria
- Michael Ensign: Hotel jabea
- Joan Shawlee: Hoteleko harreragilea
- Ben Lessy: Barney Pritzig
- Fil Formicola: Rudy "Disco" Gambola
- C.J. Hunt: Kowalski
- Bette Raya: Mexikar neskamea
- Ronnie Sperling: Hippie senarra
- Suzie Galler: Emakume haurduna
- John Schubeck: Albiste berriemailea
- Ed Begley Jr.: 1. tenientea
- Frank Farmer: 2. tenientea
- Tom Kindle: 1. trafiko polizia
- Biff Manard: 2. trafiko polizia
- Myrna Dell: Kafetegiko kutxazaina