Bruno Maurizio Zabala

Bruno Maurizio Zabala
	; Irudi gehiago
Bizitza
Jaiotza	Durango, 1682ko urriaren 6a
Herrialdea	Bizkaia, Euskal Herria
Heriotza	Paraná, 1736ko urtarrilaren 31 (53 urte)
Hobiratze lekua	Buenos Aires Metropolitan Cathedral (en)
Hezkuntza
Hizkuntzak	gaztelania; euskara
Jarduerak
Jarduerak	militarra
Zerbitzu militarra
Gradua	jeneral
Parte hartutako gatazkak	Espainiako Ondorengotza Gerra

Bruno Maurizio Zabala[1] (Durango, 1682ko urriaren 6a - Paraná ibaia, 1736ko urtarrilaren 31) bizkaitar militarra eta konkistatzailea izan zen, Montevideo hiriburuaren sortzaileetako bat.

Bizitza

Durangoko Zabala jauregia, Bruno Maurizio Zabalaren jaiolekua.

Filipe V.aren alde borrokatu zen Espainiako Ondorengotza Gerran, eta ordainetan Río de la Platako erregeordetzako kapitain nagusi izendatu zuen erregeak 1717an. Piratei eta Portugaldar Inperioari aurre egin zien, portugaldarrak Montevideo eta Maldonado eskualdeez jabetzeko prest baitzeuden. 1723. urtean portugaldarren esku erori zen Montevideo, baina handik urtebetera berreskuratu zuen Zabalak, eta gaztelu bat eraikiarazi zuen, hiriburua izango zenaren lehenengo eraikin-multzoa. Txileko kapitain nagusi izendatu zuten 1731. urtean. Paraguain ere borrokatu zen komunero matxinatuen aurka (1725 eta 1735).

Ikus, gainera

Durangar ezagunen zerrenda

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

«Zabala, Bruno Maurizio», Harluxet Hiztegi Entziklopedikoa.

Kanpo estekak

Datuak: Q993561
Multimedia: Bruno Mauricio de Zabala / Q993561

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] «Zabala, Bruno Maurizio», Harluxet Hiztegi Entziklopedikoa.