Bret Easton Ellis

Bret Easton Ellis (Los Angeles, 1964ko martxoaren 7a) estatubatuar idazlea da.

Bret Easton Ellis
Irudi gehiago
Bizitza
Jaiotza	Los Angeles, 1964ko martxoaren 7a (60 urte)
Herrialdea	Ameriketako Estatu Batuak
Bizilekua	Los Angeles East Village
Lehen hizkuntza	ingelesa
Hezkuntza
Heziketa	Bennington College 1986) The Buckley School (en)
Hizkuntzak	ingelesa
Jarduerak
Jarduerak	idazlea, gidoilaria, eleberrigilea, podcaster (en) , kazetaria, ipuingilea eta executive producer (en)
Lan nabarmenak	ikusi Less Than Zero (en) American Psycho (en)
Influentziak	Honoré de Balzac, Don DeLillo eta William Faulkner
Genero artistikoa	satira
randomhouse.com…

Hogei urte zituela, Less than Zero (1985) idatzi zuen. Lehen pertsonan idatzitako lana da, eta guraso aberatsen diru-gehiegikeriaren ondorioz asperturik eta galdurik bizi diren Hollywoodeko gazteen bizimodua azaltzen du. Gaien gordintasunak, batere apaindurarik gabeko estilo lehorrak, etorkizunik ezak eta pertsonaiek bizi duten miseria moralak eragin handia izan zuten irakurleengan, eta eleberria best-seller bihurtu zen 1980ko hamarraldian. Liburu hori argitaratu eta hiru urtera, The Rules of Attraction (1987) argitaratu zuen, lehenengo lanaren segida moduko bat. 1991n, American Psycho idatzi zuen, izugarrizko eskandalua eragin zuena. Lan horretako pertsonaia nagusiak, Patrick Batemanek, diru asko irabazten du, eta 1980ko hamarraldiko gizon idealaren araberakoa da, baina emakume gazteak torturatzen eta hiltzen ditu gauez. Lan horrek eztabaida izugarria eragin zuen, eta berehala izan zen best-sellerra mundu osoan. Gero, kontakizun-bildumak argitaratu zituen: The Informers (1994) eta Glamorama (1998). Azken eleberri horretan, New Yorkeko artisten bizimodua azaltzen du. Orduz geroztik, Lunar Park (2005) Imperial Bedrooms (2010) eta The Shards (2023) idatzi ditu. Zinemara eraman dira Less than Zero, The Rules of Attraction, American Psycho eta The Informers.